U Polščy piaciarych biełarusaŭ abvinavačvajuć u dyviersijach i špijanažy
Piaciora biełarusaŭ abvinavačvajucca ŭ aktach sabatažu i dyviersijach u Polščy, a taksama ŭ pracy na zamiežnuju raźviedku. Pra heta paviedamili ŭ Nacyjanalnaj prakuratury Polščy telekanału «Biełsat».
29 lipienia pierad pasiadžeńniem Rady ministraŭ Polščy premjer-ministr Donald Tusk paviedamiŭ, što ŭ krainie zatrymanyja 32 čałavieki pa padazreńni ŭ supracoŭnictvie z rasijskimi śpiecsłužbami. Hetyja ludzi nibyta ŭdzielničali ŭ padrychtoŭcy dyviersij i napadaŭ. Adzin z zatrymanych užo asudžany i znachodzicca ŭ turmie, astatnija 31, siarod jakich jość biełarusy, rasijanie i ŭkraincy, čakajuć suda.
«Biełsat» źviarnuŭsia ŭ Nacyjanalnuju prakuraturu Polščy z pytańniem pra rolu biełarusaŭ u hetaj spravie. U adkazie pres-sakratar prakuratury Pšemysłaŭ Novak paviedamiŭ, što ŭ miežach troch pracesaŭ suprać arhanizavanaj złačynnaści byli vystaŭlenyja abvinavačvańni piaci hramadzianam Biełarusi.
Ich padazrajuć u aktach sabatažu, dyviersij i dziejnaści ŭ intaresach zamiežnaj vyviedki, što kvalifikujecca pavodle artykuła 130, parahrafa 7 Kryminalnaha kodeksu Polščy. Bolš padrabiazna infarmacyju pakul nie raskryvajuć.
8 žniŭnia Nacyjanalnaja prakuratura apublikavała jašče adzin abvinavaŭčy akt, źviazany z hatoŭnaściu dziejničać na karyść biełaruskaj raźviedki suprać Polščy. U im havorycca pra hramadzianina Biełarusi Arcioma K., jaki 2 červienia 2025 hoda byŭ abvinavačany ŭ tym, što sprabavaŭ dziejničać ad imia biełaruskaj raźviedki i KDB.
Rasśledavańnie pačałosia paśla taho, jak u śniežni 2024 hoda polskaje Ahienctva ŭnutranaj biaśpieki (ABW) atrymała dokazy, što Arciom K. u Varšavie vykazaŭ hatoŭnaść źbirać i pieradavać infarmacyju pra važnuju infrastrukturu Polščy i pra biełaruskich hramadzian, jakija žyvuć u Polščy, dla raźviedki i dyviersijnaj dziejnaści ŭ Polščy i inšych krainach Jeŭrasajuza.
19 śniežnia 2024 hoda Arcioma K. zatrymali, jon nie pryznaŭ siabie vinavatym. Sud pastanaviŭ trymać jaho pad vartaj, jamu moža pahražać turemny termin ad paŭhoda da vaśmi hadoŭ.
U Polščy zatrymanyja 32 čałavieki za supracoŭnictva z rasijskimi śpiecsłužbami. Siarod ich jość i biełarusy
«Jaho paharda da Ukrainy ŭzmacniłasia». Jak ciapier žyvie Pabła Hansales — ahient HRU, jaki viarnuŭsia ŭ Rasiju paśla abmienu
U Polščy čarhovaha biełarusa asudzili za špijanaž. Ale siadzieć jamu ŭžo niadoŭha
Abmienieny rasijski špijon infarmavaŭ HRU pra biełaruskija demsiły ŭ Polščy
Kamientary