«Dla palitviaźniaŭ siońniašniaja publikacyja Šustera, na žal, nie abiacaje ničoha dobraha»
Palityčny analityk Alaksandr Frydman u svaim telehram-kanale padzialiŭsia dumkami adnosna intervju Łukašenki amierykanskamu vydańniu Time i taho, što źviazana ź im kułuarna.
Intervju Łukašenki z Sajmanam Šusteram (doŭhaje, ale, na moj pohlad, adno z samych cikavych u jahonaj karjery), a taksama siońniašni artykuł Šustera ŭ Time padvodziać rysu pad kansultacyjami pamiž ZŠA i Biełaruśsiu.
U artykule, zasnavanym nie tolki na intervju, ale i na hutarkach Šustera ź niepasrednymi ŭdzielnikami padziej, aŭtar pakazvaje, što «Łuka» (a mienavita tak jaho nazyvali pamiž saboj amierykanskija hości) nie stolki sprabavaŭ damahčysia narmalizacyi adnosin z ZŠA ci admieny sankcyj, kolki dziejničaŭ u intaresach Rasii. Jon imknuŭsia pierakanać amierykancaŭ u tym, što z Pucinym možna i treba damaŭlacca, i navat davaŭ parady, jak treba siabie pavodzić z haspadarom Kramla.
Łohika Łukašenki vielmi prostaja: treba pryniać umovy, jakija vystaŭlajucca Rasijaj, inakš budzie jašče horš.
Misiju Łukašenki možna ličyć adnosna paśpiachovaj. Jamu ŭdałosia pryciahnuć da siabie ŭvahu i dapamahčy Rasii vyjhrać dadatkovyja miesiacy dla viadzieńnia bajavych dziejańniaŭ. Mahčyma, jon taksama adyhraŭ svaju rolu ŭ arhanizacyi amierykana-rasijskich pieramoŭ, jakija pavinny adbycca najbližejšym časam.
Amierykancy razhladali Łukašenku jak dadatkovy kanał suviazi z RF, a za vykarystańnie hetaha kanała jon zapłaciŭ vyzvaleńniem šerahu palityčnych źniavolenych, u tym liku Siarhieja Cichanoŭskaha.
Važnyja daručeńni ŭ składanych situacyjach Kreml daručaje Łukašenku ŭžo nie pieršy raz — anałahičnuju funkcyju jon vykonvaŭ padčas buntu Pryhožyna. Heta jahonaja siońniašniaja rola ŭ «sistemie Pucina».
Ad amierykancaŭ Łukašenka, vidavočna, ničoha kankretnaha nie atrymaŭ (i naŭrad ci atrymaje), tady jak Rasija, chutčej za ŭsio, adździačyć jamu za vykanańnie «adkaznaha zadańnia».
Dla palitviaźniaŭ siońniašniaja publikacyja Šustera, na žal, nie abiacaje ničoha dobraha. Novych pieramoŭ z amierykancami ŭ ahladnaj budučyni, chutčej za ŭsio, nie budzie. U vypadku z Łukašenkam jany, padobna, damahlisia ŭsiaho, čaho chacieli.
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam
«Nam zdavałasia, što my mieli spravu z surjoznymi ludźmi». Ejsmant pakryŭdziłasia na publikacyju Šustera
«Vielmi zakłapočanyja». Łukašenka raskazaŭ, jak na jahonyja sproby pieramaŭlacca z amierykancami reahujuć u Rasii
Łukašenka: Tramp — bałbatun, ranicaj havoryć adno, viečaram robić inšaje
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku46
Kamientary