Kala 15 ton mietaličnych vyrabaŭ z mahił ukraŭ žychar Ašmianskaha rajona
U Astraviecki RAUS źviarnuŭsia 44-hadovy žychar rajona. Mužčyna paviedamiŭ, što na dniach jon prychodziŭ na mahiłu svajakoŭ i pabačyŭ adsutnaść dvuch mietaličnych kryžoŭ.

Syščyki kryminalnaha vyšuku praviali kompleks apieratyŭna-vyšukovych mierapryjemstvaŭ. U pole ich zroku trapiŭ 40-hadovy žychar Ašmianskaha rajona. Mužčynu zatrymali paśla taho, jak jon ździejśniŭ čarhovaje złačynstva, paviedamlaje hrodzienskaja abłasnaja milicyja.
Akazałasia, padazravany niekatory čas tamu vyrašyŭ zvolnicca z asnoŭnaj pracy. A dla atrymańnia zarobku ździajśniaŭ kradziež mietaličnych vyrabaŭ z mohiłak i ŭ dalejšym zdavaŭ ich u punkt pryjomu mietału. Kraŭ pieravažna kryžy, mietaličnyja aharodžy i łancuhi. Mahiły śpiecyjalna vybiraŭ niedahledžanyja, pakolki ličyŭ, što nichto nie stanie źviartacca ŭ milicyju.
Mužčyna zajmaŭsia złačynnaj dziejnaściu na terytoryjach Smarhonskaha, Astravieckaha, Ašmianskaha i Maładziečanskaha rajonaŭ. Pa papiaredniaj infarmacyi, jon skraŭ mietaličnych vyrabaŭ ahulnaj vahoj nie mienš za 15 ton.
Kamientary