«Ja dasłała raźvitalnyja paviedamleńni, bo dumała, što ŭsio skončana». U pavietry zahareŭsia aviłajnier, jaki lacieŭ z Korfu ŭ Hiermaniju
Uzharańnie adbyłosia adrazu paśla ŭźlotu samalota Boeing 757, jaki nakiroŭvaŭsia z vostrava Korfu ŭ Dziusieldorf. Na borcie znachodzilisia 273 pasažyry.
U samalota, jaki naležyć avijakampanii Condor, uspychnuŭ pravy turbavintavy matorny adsiek. Pra heta piša vydańnie BILD.
«My raptam pačuli hučny ŭdar, paśla z ruchavika vyrvałasia połymia. Znoŭ pačuŭsia ŭdar, i znoŭ uspychnuła połymia. Raptam na niekalki siekund adklučyłasia elektryčnaść, i my zrazumieli, što bolš nie nabirajem vyšyniu», — raskazaŭ BILD adzin z pasažyraŭ.
«Heta byŭ nievierahodna žachlivy dośvied. Ja ŭžo dasłała raźvitalnyja paviedamleńni, tamu što dumała, što ŭsio skončana», — paćvierdziła inšaja pasažyrka.
U vyniku piłot zmoh pasadzić łajnier u italjanskim Bryndyzi. Na borcie znachodzilisia 273 pasažyry. Adnak niepryjemnaści na hetym nie skončylisia: turysty paskardzilisia, što paśla evakuacyi ich faktyčna pakinuli biez dapamohi.
«My siadzieli dźvie hadziny ŭ samalocie, potym nam skazali, što vylet budzie tolki na nastupny dzień. Haścinicy pryjšłosia šukać samim», — raskazaŭ adpačyvalnik pa imieni Andre.
U vyniku mnohija načavali prosta na padłozie aeraporta, nakryŭšysia koŭdrami, jakija razdała palicyja. Condor i turapieratar Aida prynieśli vybačeńni. Avijakampanija zajaviła, što ŭsim pasažyram «nie chapiła miescaŭ u hatelach».
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»30
Kamientary