Paśla pieramovaŭ u Vašynhtonie źjaviłasia nievialikaja nadzieja, što vajnu va Ukrainie možna budzie spynić ci chacia b zamarozić. ZŠA abiacajuć Ukrainie «vielmi dobryja» harantyi, ale što heta budzie na praktycy — pakul adkrytaje pytańnie, piša žurnalist Uładzimir Kim va ŭkrainskim vydańni «Dzierkało tižnia», dzielačysia insajdam, jak heta nibyta abmiarkoŭvałasia padčas niadaŭniaj sustrečy jeŭrapiejskich i amierykanskich palitykaŭ u Vašynhtonie.
Na pieramovach u Vašynhtonie nibyta abmiarkoŭvali dva asnoŭnyja scenaryi harantyj dla Ukrainy, jakija prapanavaŭ vice-prezident ZŠA Džej Dzi Vens.
Pieršy — niešta padobnaje da artykuła 5 NATA, kali napad na Ukrainu aŭtamatyčna aznačaje abaviazak sajuźnikaŭ dapamahać.
Ale dla hetaha patrebna ratyfikacyja ŭ parłamientach usich krain, i daloka nie ŭsie krainy na heta pojduć.
Druhi — zrabić ukrainskuju armiju mocnaj i samadastatkovaj, kolkaściu kala 350—400 tysiač čałaviek.
ZŠA hatovyja pastaŭlać dla hetaha zbroju, ale finansavać utrymańnie takoj armii pavinna Jeŭropa. Heta vyklikaje niezadavolenaść u jeŭrapiejskich partnioraŭ z-za vielizarnych vydatkaŭ.
U kułuarach usio čaściej kažuć, što z Ukrainy chočuć zrabić «dzikabraza» — krainu, nastolki ŭzbrojenuju i niebiaśpiečnuju dla ahresara, što napad stanie zanadta darahim. Pa infarmacyi The Wall Street Journal, harantyi pavinny składacca z čatyroch elemientaŭ:
- Raźmiaščeńnie vojskaŭ sajuźnikaŭ va Ukrainie;
- Zabieśpiačeńnie sistemami SPA dla abarony infrastruktury i cyvilnych;
- Pastaŭki sučasnaj zbroi, u tym liku vysokadakładnych rakiet;
- Miechanizmy kantrolu za vykanańniem pieramirja.
Adnak z raźmiaščeńniem vojskaŭ situacyja składanaja. ZŠA i Hiermanija ŭžo zajavili, što svaich sałdat nie adpraviać. Brytanija hatova achoŭvać pavietra i mora, ale nie stajać na linii frontu. Francyja taksama źmienšyła svaje płany ad dziasiatkaŭ tysiač da niekalkich bataljonaŭ, i toje — chutčej u Polščy, čym va Ukrainie. Litva hatova nakiravać kala dvuchsot sałdat, bo jaje armija ŭvohule maleńkaja. Niekatoryja krynicy kažuć, što ŭsiaho kala dziesiaci krain razhladajuć udzieł.
U vyniku asnoŭny ŭpor moža być zrobleny na ŭmacavańnie samich ukrainskich vojskaŭ. Płan Kijeva praduhledžvaje zakupku amierykanskaj zbroi na 100 miljardaŭ dalaraŭ (za košt Jeŭropy) i dadatkovyja kantrakty z amierykancami na vytvorčaść dronaŭ na 50 miljardaŭ.
Adnak historyja pakazvaje: navat padpisanyja i ratyfikavanyja dakumienty mohuć nie pracavać — prykład Budapiešckaha miemaranduma heta dakazaŭ. Tamu ŭkrainskim uładam treba być sumlennymi z hramadstvam: harantyi mohuć akazacca nie takimi mocnymi, jak ciapier padajuć. Abarona krainy ŭ lubym vypadku zaležyć najpierš ad samich ukraincaŭ.
ZŠA mohuć u jakaści harantyj biaśpieki zakryć nieba nad Ukrainaj
Tramp astyŭ da idei arhanizavać sustreču Pucina i Zialenskaha
U Jeŭropie nie viedajuć, adkul uziać sałdat dla adpraŭki miratvorcaŭ va Ukrainu
Łaŭroŭ zapatrabavaŭ udziełu Rasii i Kitaja ŭ harantyjach biaśpieki Ukrainie
«Mahčyma, ja z zababonami». Tusk suprać praviadzieńnia pieramoŭ Zialenskaha i Pucina ŭ Vienhryi
Tramp zapytaŭsia ŭ Orbana, čamu jon błakuje ŭstupleńnie Ukrainy ŭ Jeŭrasajuz
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary
Čto podopytnyj sdoch a u mienia jeŝie stolko idiej ...