U centry Vilejki, za kaściołam, źnieśli adzin z samych viadomych daŭhabudaŭ horada — budynak mierkavanaha kinateatra, jaki prastajaŭ niedabudavanym 85 hadoŭ. Jaho ŭźviadzieńnie pačałosia ŭ 1940 hodzie, ale paśla pačatku vajny raboty spynilisia. U vyniku była ŭźviedziena tolki karobka budynka, piša vydańnie Blizko.by.
Haziety paśla vajny ŭžo pisali, što ścieny razburajucca, a miascovyja žychary raźbirajuć cehłu na ŭłasnyja patreby. Kinateatr tak i nie adkryŭsia, choć jamu navat dali papiaredniuju nazvu «Pieramoha». U 1949 hodzie budynak pieradali Abłmasłapramu pad chaładzilnik, ale i hetaja ideja nie była realizavanaja.
Ź ciaham času budynak usio bolš zaniepadaŭ. Jaho nieadnarazova vystaŭlali na aŭkcyjony, apošni kadastravy košt składaŭ kala 168 tysiač dalaraŭ.
U 2015 hodzie inviestary nabyli abjekt pa startavaj canie z namieram stvaryć sučasny handlovy centr. Heta stała mahčymym dziakujučy ŭkazu №108 ab uklučeńni dziaržaŭnaj majomaści, jakaja nie vykarystoŭvajecca, u haspadarčy abarot. Ale prajekt nie byŭ zavieršany: uładalnik nie vykanaŭ umovy damovy, u tym liku raspracoŭku prajektna-kaštarysnaj dakumientacyi.
Takim čynam, budynak za ŭsiu svaju historyju nie pracavaŭ nivodnaha dnia pavodle pryznačeńnia. Ciapier jaho kančatkova źnieśli, a na miescy daŭhabuda płanujuć zrabić parkoŭku.
U Łošycy rychtujuć da adkryćcia daŭhabud «Mandaryn»
Łukašenka daručyŭ razabracca z daŭhabudami, pieradusim u «Minsk-Śviecie»
U zakinutych budynkach aŭtazavoda raźmieściać samy sučasny ŭ Biełarusi archiŭ
Siłuet chmaračosa ŭžo vymaloŭvajecca. Jak ciapier vyhladaje šmatpakutny «Hazpram Centr» u Minsku FOTA
Kamientary