Siłuet chmaračosa ŭžo vymaloŭvajecca. Jak ciapier vyhladaje šmatpakutny «Hazpram Centr» u Minsku FOTA
Budaŭnictva šmatfunkcyjanalnaha kompleksu «Hazpram centr» pablizu Nacyjanalnaj biblijateki idzie davoli aktyŭna. Niahledziačy na status doŭhabudu i roznyja ciažkaści na šlachu da realizacyi, sprava ruchajecca — užo vidać siłuet chmaračosa, jaki budzie mieć składanuju formu i šklanoje abramleńnie, piša Onliner.
Historyja abjekta ciahniecca z 2013 hoda, kali ŭpieršyniu stała viadoma pra ambicyi kampanii «Hazpram» uźvieści ŭ biełaruskaj stalicy kompleks budynkaŭ. U 2014 hodzie dziela hazpramaŭskaha kompleksu źnieśli aŭtavakzał «Maskoŭski» ź niezvyčajnaj architekturaj.
Budaŭnictva «Hazpram-centra» raspačałosia ŭ 2015 hodzie, čakałasia, što kompleks zakončać u 2020 hodzie. Ale pastupova jon pieratvaryŭsia ŭ daŭhabud, budaŭnictva niekalki razoŭ prypyniałasia. U 2019 hodzie raboty sprabavali adnavić, ale ŭ lutym 2021 hoda ŭsie raboty znoŭ byli prypynieny. Aficyjnaja pryčyna — razychodžańni pamiž zakazčykam i hienieralnym padradčykam, nie było biez karupcyjnaha skandału.
U 2023 hodzie Łukašenka dazvoliŭ kampanii «Hazpram transhaz Biełaruś» nie vypłačvać pieni i štrafy. Ułady pastavili zadaču pabudavać kompleks da 2027 hoda, raboty adnavilisia.
Budynak, jakoje ŭžo zaraz źjaŭlajecca architekturnaj daminantaj na budplacoŭcy, — heta i jość budučy chmaračos. Raboty viaducca na 14-15 pavierchach. U svaim zavieršanym vyhladzie vieža budzie ŭzvyšacca nad ziamloj na 36 pavierchaŭ i stanie adnoj z samych vysokich u Minsku.
Žalezabietonnyja raboty praciahvajucca i na dvuch administracyjnych budynkach. Nahadajem, kala hałoŭnaha chmaračosa buduć stajać try zbudavańni vyšynioj 7, 9 i 12 pavierchaŭ. U ich adkryjucca miedyka-adnaŭlenčy centr z dyjahnastyčnym i kansultacyjnym adździaleńniami, a taksama hatel, biznes-apartamienty, trenažornaja zała, basiejn i inšyja abjekty.
Kali ŭ minułym hodzie na budplacoŭcy było zadziejničana 147 čałaviek, to na dadzieny momant tut pracujuć 300 rabočych. Heta značyć, što tempy paskorylisia.
Ansambl budynkaŭ «Hazpram centr» buduć uzvodzić da 2027 hoda ŭklučna. Pa infarmacyi z adkrytych krynic, kampanija «Hazpram transhaz Biełaruś» paćvierdziła, što ŭsio idzie pa płanie i termin zdačy abjekta ŭ ekspłuatacyju nie źmianiŭsia.
-
«Abarani suvierenitet svajoj Radzimy!» Na miažy Ukrainy i Biełarusi z nahody 3 lipienia źjaviŭsia płakat z Pucinym
-
Usaŭ pastaviŭ kryž na palityčnaj karjery Siarhieja i Śviatłany Cichanoŭskich
-
Zajcy ź vialikimi morkvami i čyrvona-zialony vietraź. U Smarhoni prajšoŭ konkurs «Płavańnie na čym papała» ŠMAT FOTA
Ciapier čytajuć
«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ84
«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
1-je słova ja sustrakaŭ niekali najčaściej. nie viediu, čamu jano źnikaje