Łukašenka: Amierykanskaja delehacyja ŭ nas rehularna tut byvaje. My ź imi viadziem peŭnyja pieramovy
«My ŭstakanim situacyju», — skazaŭ Łukašenka.
Padčas razmovy ŭ rekanstrujavanym kompleksie «Łošycki» Łukašenka zhadaŭ pratesty 2020 hoda, čarhovy raz nazvaŭšy ich miaciažom, piša BiełTA.
«Vy małajcy. My z vami ŭ 2020 hodzie pieražyli miaciež. Razumieli, što mahło b być. Ciapier vy razumiejecie, hledziačy na Ukrainu. A mnie davodzicca kožny dzień pracavać z hetym. Viedajecie, amierykanskaja delehacyja ŭ nas rehularna tut byvaje. My ź imi viadziem peŭnyja pieramovy. My ŭstakanim situacyju. Zrobim tak, jak heta treba dla nas», — skazaŭ Łukašenka
Nahadajem, što ŭčora ŭ vyniku vizitu ŭ Minsk amierykanskaj delehacyi na volu vyjšli 52 palitviaźni, 21 červienia paśla raniejšaha vizitu amierykancaŭ na voli akazali 16 palitviaźniaŭ.
Učora vystupajučy pierad žurnalistami i biełaruskaj hramadskaściu kala amierykanskaha pasolstva ŭ Vilni śpiecpasłańnik Trampa Džon Koŭł, jaki viarnuŭsia ź Minska, nie vyklučyŭ novych vyzvaleńniaŭ najbližejšymi miesiacami.
Kamientary