Biełaruski repier Murovei (sapraŭdnaje imia — Anton Bodnar) pradstaviŭ mini-albom z nazvaj Saudade, u jakim upieršyniu całkam źviarnuŭsia da biełaruskaj movy. Reliz składajecca z troch trekaŭ: «Bahna», «Faveła» i «Mara-Mora».
Nazva alboma adsyłaje da partuhalskaha słova saudade, jakoje apisvaje stan śvietłaj tuhi i nastalhii pa domie. Hetaja kanceptualnaja tema prasočvajecca ŭ muzycy: zadumlivyja bity, suziralnaja padača i teksty, źviazanyja z asabistym dośviedam i kulturnymi karaniami.
Vizualnaje afarmleńnie alboma taksama ŭklučaje elemienty partuhalskaj azuležu i biełaruskaj vycinanki, padkreślivajučy spałučeńnie dźviuch kulturnych tradycyj.
Biełaruski repier Murovei pradstaviŭ mini-albom z nazvaj Saudade, u jakim upieršyniu całkam źviarnuŭsia da biełaruskaj movy
Reliz Saudade padkreślivaje novy etap u tvorčaści muzyki: viartańnie da nacyjanalnaj identyčnaści praz movu i pošuk bałansu pamiž chip-chopam i asabistaj lirykaj. Dla ludziej, znajomych ź jaho tvorčaściu, heta nie prosta čarhovy EP, a znak taho, što artyst praciahvaje pašyrać miežy žanru i ŭłasnyja mahčymaści.
Murovei — adzin z prykmietnych biełaruskich repieraŭ i chip-chop pradziusaraŭ, rodam sa Smalavičaŭ. Pačynajučy z prajektaŭ «Baza 8.5» i Slozhnie, jon zdoleŭ pabudavać solnuju karjeru, vypuściŭ niekalki albomaŭ, a taksama adznačyŭsia sumiesnymi rabotami z rasijskim repieram Hufam. Siońnia jon žyvie ŭ Polščy i pracuje ŭ svajoj studyi hukazapisu.
Pasłuchać albom i paznajomicca z tvorčaściu artysta možna pa spasyłcy.
Fiestyval Graj: śviata biełaruskaj muzyki i pieražyvańni polskaj palicyi
Pamior muzyka Aleh Tumašoŭ, były vakalist hurta Ulis
«Na plačach maječka Mark Formelle». Hurt Leibonik vypuściŭ novy albom
Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy
Kamientary
[Zredahavana]