Deputat Bundestaha ad ultrapravaj «Alternatyvy dla Hiermanii» Birhit Biesin naviedała rasijskaje pasolstva ŭ Bierlinie z hrupaj naviedvalnikaŭ sa svajoj vybarčaj akruhi i padvierhnułasia krytycy.
Pra heta paviedamlaje «Jeŭrapiejskaja praŭda» sa spasyłkaj na Welt.
Pra svoj vizit u ambasadu Rasii deputatka «AdH» paviedamiła jašče 11 vieraśnia, patłumačyŭšy heta tym, što «ŭ takoj palityčna napružanaj situacyi jak nikoli važna padtrymlivać kamunikacyju».
Vizit byŭ častkaj aficyjnaj prahramy naviedvańniaŭ Bundestaha, jakuju arhanizuje Fiederalnaje viedamstva pa pytańniach presy i jakaja finansujecca za košt srodkaŭ padatkapłacielščykaŭ.
Jon adbyŭsia na nastupny dzień paśla taho, jak rasijskija bieśpiłotniki parušyli pavietranuju prastoru Polščy, što vyklikała krytyku kalehaŭ Besin.
Deputat parłamienta ad Chryścijanska-demakratyčnaha sajuza Knut Abraham, kamientujučy ŭčynak kalehi z «AdH», nazvaŭ heta «ničym inšym, jak śviadomaj padtrymkaj vajny» suprać Ukrainy.
Pradstaŭnik Fiederalnaha viedamstva pa pytańniach presy Hiermanii skazaŭ, što viedamstva nie maje ŭpłyvu na toje, «jakija miescy ci mierapryjemstvy naviedvajuć deputaty Bundestaha sa svaimi hrupami pa-za arhanizavanych nami punktaŭ prahramy».
Prahrama naviedvańnia Bundestaha praduhledžvaje da troch pajezdak na adnaho deputata ŭ hod i pakryvaje vydatki na prajezd, pražyvańnie ŭ hateli i častkova charčavańnie.
U traŭni sustaršynia «AdH «Alisa Vajdel zajaviła, što pośpiech patencyjnych «mirnych pieramovaŭ» pa vajnie va Ukrainie zaležyć ad uliku intaresaŭ Rasii ŭ śfiery biaśpieki.
10 vieraśnia «Alternatyva dla Hiermanii» ŭznačaliła rejtynh simpatyj niamieckich vybarščykaŭ.
Ciapier čytajuć
Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku26
Kamientary