Tramp źbirajecca pahavaryć z Orbanam, kab toj nie kuplaŭ rasijskaj nafty
Prezident ZŠA Donald Tramp płanuje parazmaŭlać z premjer-ministram Vienhryi Viktaram Orbanam, kab heta kraina spyniła zakupki rasijskaj nafty. Pra heta jon paviedamiŭ na sumiesnaj pres-kanfierencyi z prezidentam Ukrainy Uładzimiram Zialenskim.
«Nu, jon moj siabar. Ja ź im nie razmaŭlaŭ. Ale ŭ mianie takoje adčuvańnie, što kali b ja heta zrabiŭ, jon moh by spynicca. Dumaju, ja tak i zrablu», — skazaŭ Tramp.
Raniej ministr zamiežnych spraŭ Vienhryi Pieter Sijarta zajaviŭ, što Budapiešt nie admovicca ad rasijskaj nafty, niahledziačy na patrabavańni Biełaha doma.
Sam Tramp nieadnarazova krytykavaŭ ES za toje, što niekatoryja krainy błoka ŭsio jašče kuplajuć rasijskuju naftu, i adznačaŭ, što ZŠA nie ŭviaduć novyja sankcyi suprać Rasii, kali jeŭrapiejskija krainy nie spyniać zakupki rasijskich enierharesursaŭ.
Tym časam, pa słovach prezidenta Jeŭrapiejskaj rady Antoniu Košty, Jeŭrasajuz užo skaraciŭ zakupki rasijskich enierharesursaŭ na 80%. Bolšaja častka astatnich 20% prypadaje akurat na Vienhryju.
Tramp u AAN: Jeŭropa kocicca ŭ piekła, a hłabalnaje paciapleńnie — najbujniejšaje machlarstva
Tramp vystaŭlaje Jeŭrasajuzu ŭmovy, jakija toj nie moža vykanać
Kab ZŠA ŭviali sankcyi suprać Rasii, Jeŭropa pavinna pierastać kuplać rasijskija naftu i haz
Tramp pierakanaŭ Orbana nie pieraškadžać ustupleńniu Ukrainy ŭ JeC — ŚMI
Kamientary