Aŭtobusy ŭžo zajmajuć čarhu pierad polskaj miažoj

Jak paviedamili Onliner u servisie «Atłas», užo dastupnyja kvitki na rejsy z Hrodna ŭ Varšavu z 25 vieraśnia z adpraŭleńniem u 00:20, 01:00, 08:10, 13:00. Taksama adkryty prodaž i na zvarotnyja rejsy. Aŭtobusy buduć iści praz punkt propusku «Brest».

Čas u darozie — kala 9 hadzin, ale nie treba stavicca da hetaha litaralna: usio zaležyć ad času prachodžańnia miažy.

Cana zastałasia raniejšaj — 150 rubloŭ.

Pavialičyć

Niama sumnievaŭ, što i inšyja pieravozčyki chutka pačnuć pradavać kvitki na pramyja rejsy ŭ Polšču. Pakul ža ŭ mnohich bujnych servisaŭ dastupnyja kvitki ź pierasadkaj pieravažna ŭ Litvie.

«Minsktrans» paviedamlaje, što ŭ suviazi z adkryćciom punkta propusku «Tarespal» adnaŭlajecca vykanańnie rejsaŭ pa nastupnych maršrutach:

• Minsk — Varšava z časam adpraŭleńnia ad aŭtavakzała «Centralny» h. Minska ŭ 19:00, 21:30 — z 24 vieraśnia štodnia;

• Minsk — Varšava z časam adpraŭleńnia ad aŭtavakzała «Centralny» h. Minska ŭ 00:10, 06:30, 13:30 — z 25 vieraśnia štodnia;

• Varšava — Minsk z časam adpraŭleńnia ad aŭtavakzała «Zachodni» h. Varšava ŭ 21:00, 23:00 — z 25 vieraśnia štodnia;

• Varšava — Minsk z časam adpraŭleńnia ad aŭtavakzała «Zachodni» h. Varšava ŭ 07:00, 12:00, 16:30 — z 26 vieraśnia štodnia;

• Minsk — Miunchien z časam adpraŭleńnia ad aŭtavakzała «Centralny» h. Minska ŭ 12:00 — z 26 vieraśnia pa piatnicach i sieradach;

• Miunchien — Minsk z časam adpraŭleńnia ad aŭtavakzała h. Miunchiena ŭ 13:00 — z 28 vieraśnia pa niadzielach i piatnicach.

Kvitki na pramyja aŭtobusy źjavilisia i ŭ Ecolines. Košt kvitkoŭ nižejšy, čym na rejsy ź pierasadkami, zajaŭleny čas u darozie taksama mienšy. Siońnia apoŭdni ŭžo paviedamlajuć: aŭtobusy stanoviacca ŭ «čarhu» pierad punktam propusku «Brest», jany rychtujucca ŭnačy vyjazdžać u Polšču.

Pavialičyć

Prodaž kvitkoŭ na aŭtobusy z adpraŭleńniem u Polšču idzie poŭnym chodam. Heta ŭžo pramyja rejsy, a nie abjezdnyja praź Litvu abo Łatviju. Kvitki pakul možna znajści navat na zaŭtra.

— Prodaž kvitkoŭ užo adkryty. I popyt na pajezdki raście. Na pieršyja rejsy amal usie kvitki pradadzieny. Tamu kali płanujecie pajezdki, to pra kuplu lepš pakłapacicca zahadzia, — papiaredzili ŭ «Atłasie».

— Dla pasažyraŭ dastupnyja niekalki dziasiatkaŭ rejsaŭ pa maršrutach Hrodna — Varšava, Hrodna — Biełastok, Minsk — Biełastok, Minsk — Varšava, Homiel — Poznań i inšyja ŭ pramym i zvarotnym kirunku.

Košt zastaŭsia raniejšy: jak i da zakryćcia miažy, z Hrodna ŭ Varšavu možna dajechać za 150 rubloŭ, prajezd ad Homiela da Poznani kaštuje 220 rubloŭ. A ź Minska da stalicy Polščy jość kvitki navat pa 130 rubloŭ.

Pavialičyć

Što budzie z čerhami, pakul nichto nie biarecca prahnazavać. Vidavočna, što jany buduć i buduć vialikija, prynamsi na momant adkryćcia miažy.

Tranzitnyja rejsy praz Łatviju, jak čakajecca, buduć stračvać papularnaść.

— Pieravozčyki aktyŭna šukali novyja napramki, kab dastavić pasažyraŭ u ES abo nazad. Adzin ź ich — tranzit na Varšavu i Biełastok praz Łatviju. Pajezdka niablizkaja — bolš za 1000 km u adzin bok. Tamu z adkryćciom polskaj miažy aktualnaść takich pajezdak syšła na ništo, — adznačajuć u «Atłasie».

Litoŭski napramak zastaniecca zahružanym, bo karystajecca popytam niezaležna ad pracy punktaŭ propusku na polskaj miažy.

— Litoŭski napramak apošnim časam taksama staŭ papularnym. Najpierš z-za chutkaści pierasiačeńnia miažy. Na punktach propusku «Bieniakoni» i «Kamienny Łoh» čerhi z aŭtobusaŭ nie fiksujucca. Tamu popyt na kvitki z Hrodna i Minska ŭ Vilniu zastajecca stabilna vysokim. Zvyčajna pradadzieny amal usie rejsy na bližejšy tydzień-dva.

Cikava, što ŭ zvarotnym kirunku ź Litvy ŭ Biełaruś kvitki možna kupić siońnia na siońnia.

• 1
• 0
• 0
• 0
• 1
• 0
• 0
• 0