Sinoptyk Dźmitryj Rabaŭ u efiry telekanała ANT daŭ prahnoz nadvorja ŭ Biełarusi na tydzień z 29 vieraśnia pa 5 kastryčnika. Pavodle jaho słoŭ, jano budzie prachałodnym, ale stabilnym, z vysokaj vierahodnaściu načnych zamarazkaŭ.
Na pačatku tydnia Biełaruś budzie pad upłyvam chałodnaha skandynaŭskaha antycykłonu: nieba budzie pieramienna vobłačnaje, apadkaŭ amal nie budzie, tolki na poŭdni mahčymyja karotkačasovyja daždžy. U načny i ranišni čas mahčymy tuman.
Načnyja tempieratury ŭ pačatku tydnia ŭ asnoŭnym buduć plusavyja — ad 1 da 6 hradusaŭ, miescami mahčymyja zamarozki da -3. Dzionnaja tempieratura budzie kala 8—11 u paniadziełak i 6—10 u aŭtorak.
Da siaredziny tydnia antycykłon jašče budzie ŭpłyvać na nadvorje: nočču 0—5 hradusaŭ, miescami zamarazki, dzionnaja tempieratura 8—13 hradusaŭ, vobłačnaść z prajaśnieńniami, apadkaŭ mała.
U druhoj pałovie tydnia skandynaŭski antycykłon zachavajecca: nočču 3—7 hradusaŭ, u čaćvier dniom da +15, u piatnicu na 2 hradusy chaładniej.
Na pieršych kastryčnickich vychadnych čakajecca pieramiennaje vobłačnaje nadvorje biez apadkaŭ, z umieranym vietram i miescami tumanam. Nočču 3—8 hradusaŭ, u subotu dniom 3—16 hradusaŭ, a ŭ niadzielu, 5 kastryčnika, budzie samy ciopły dzień tydnia — 14—19 hradusaŭ.
Ciapier čytajuć
Buchi Ihar ź Viciebska ŭžo nie viedaje, jak adbicca ad padarunkaŭ ad roznych brendaŭ. I ŭžo zvalniajecca z zavoda26
Kamientary