Jak Dźmitryj Łukašenka chacieŭ padaryć Hańnie Siałuk pieśniu na dzień narodzinaŭ
Siurpryz płanavali pakazać u ranišnim efiry dziaržaŭnaha telebačańnia.
Viadučy jutub-kanała «O(b)suždajem» Ivan Prus u novym vypusku tok-šou «Žyćcio-malina» pryhadaŭ vypadak pra niaviestku Łukašenki Hannu Siałuk, jaki adbyŭsia padčas jaho pracy ŭ pradziusarskim centry «Spamaš».
«Tudy prychodziŭ [jaje muž] Dźmitryj [Łukašenka] i chtości jašče, i jany na dzień naradžeńnia Hanny zapisvali pieśniu na jaje tekst u jakaści padarunka», — raspavioŭ Prus.
Pavodle jaho, hety zapis byŭ častkaj vialikaha siurpryzu, jaki płanavali zrabić dla Hanny Siałuk u ranišnim efiry dziaržaŭnaha telebačańnia.
«Jany płanavali, što hetaja pieśnia prahučyć u «Dobraj ranicy [, Biełaruś]». To-bok jany ranicaj razbudziać Hannu, skažuć «Hanna, padjom!», uklučać joj BT (nie viedaju, mahčyma, u ich heta było normaj žyćcia — ustać, uklučyć BT). I tam u «Dobraj ranicy» zajhraje jaje pieśnia, i jak by ŭ čałavieka budzie dzień narodzinaŭ».
Prus adznačyŭ, što kali historyja pra Hannu Siałuk stała publičnaj, jon zhadaŭ hety epizod jak pačatak jaje tvorčaha šlachu.
Jon dadaŭ, što nie viedaje, ci tranśliravałasia hetaja pieśnia ŭ pieradačy, a samu historyju jon čuŭ «u ramkach abmierkavańnia».
Kamientary
Kohda poetiessa staniet babuškoj, ona pridiet v mahazin i uvidit eti vkuśniejšije pielmieni.