Zakryli apošniuju rehijanalnuju biełaruskamoŭnuju radyjopieradaču
U Baranavičach na miascovym radyjo pierastała vychodzić adzinaja na ŭsiu respubliku rehijanalnaja biełaruskamoŭnaja radyjopieradača «Lublu naš kraj».
U Baranavičach na miascovym radyjo pierastała vychodzić adzinaja na ŭsiu respubliku rehijanalnaja biełaruskamoŭnaja radyjopieradača «Lublu naš kraj».
Pa viartańni ź letnich vakacyj jaje stvaralniki i viadučyja daviedalisia, što ciapier za vychad pieradačy ŭ efir treba płacić. Pryčym nie tolki za tyja 30 chvilin, jakija patrebnyja na efir, ale i za čas, jaki tracicca na zapis. U miesiac heta vychodzić bolš za 130 tysiač rubloŭ.
Pieradača «Lublu naš kraj», jakuju stvarała Baranavickaja filija Tavarystva biełaruskaj movy, vychodziła ŭ efir na praciahu 10 hadoŭ. Tam hučała biełaruskaja mova, haściami byli litaratary, mastaki, znakamitaści ź biełaruskaj stalicy. Viali pieradaču Aleś Horbač, Natalla Urubleŭskaja, Ludmiła Małaščanka. Zdavałasia b, kamu zaminali biełaruskija pieśni, biełaruskaje słova? Tym nie mienš, «Biełtelekam» pryniaŭ rašeńnie, pavodle jakoha za vychad u efir treba płacić. Chacia ŭ tym, pra što raspaviadali redaktary i viadučyja, nie było ni kropielki rekłamy.
«Heta hvałt nad našaj movaj i našaj spadčynaj, – havoryć staršynia Baranavickaj filii TBM Viktar Syryca. – Ludzi paśla vychadu pieradačy ŭ efir telefanavali nam i dziakavali. Šmat chto sa słuchačoŭ prapanoŭvaŭ svaje siužety i temy. I voś pieradaču pa-sutnaści zakryli. Mienavita tamu, što biełaruskaja mova i biełaruskaja kultura zaraz zusim nie ŭ pašanie nie tolki na ŭzroŭni kiraŭnictva krainy, ale i ŭ miascovych viertykalščykaŭ».
Aleś Litoŭčyk, Jeŭrapiejskaje radyjo dla Biełarusi, Baranavičy
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš5
Kamientary