Siońnia ŭ Stakholmie nazvanyja apošnija nobieleŭskija łaŭreaty ŭ hetym hodzie. Nobieleŭskuju premiju pa ekanomicy atrymali Džoel Mokir, Filip Ah́jon i Piter Choŭit «za tłumačeńnie inavacyjnaha ekanamičnaha rostu».
Pałova premii dastałasia Džoełu Mokiru z amierykanskaha Paŭnočna-Zachodniaha ŭniviersiteta. Druhuju pałovu padzialili Filip Ahijon z francuzskaha Kaleža de Frans i Piter Choŭit z Łondanskaj škoły ekanomiki.
«Za apošnija dva stahodździ śviet upieršyniu ŭ historyi staŭ śviedkam ustojlivaha ekanamičnaha rostu. Heta dazvoliła vielizarnaj kolkaści ludziej vybracca ź biednaści i zakłała asnovu našaha roskvitu», — patłumačyła premiju hetaha hoda Šviedskaja akademija navuk.
«Łaŭreaty Džoeł Mokir, Filip Ahijon i Piter Choŭit patłumačyli, jak inavacyi dajuć impuls dla dalejšaha prahresu».
U piatnicu łaŭreatam nobieleŭskim łaŭreatam miru stała lidarka vieniesuelskaj apazicyi Maryja Karyna Mačada, a nobieleŭskim łaŭreatam pa litaratury — vienhr Łasła Krasnaharkai.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary