Nacbank z paniadziełka adnović prodaž i kuplu kaštoŭnych mietałaŭ u źlitkach
Nacyjanalny bank Biełarusi z 20 kastryčnika adnaŭlaje apieracyi kupli-prodažu miernych źlitkaŭ z kaštoŭnych mietałaŭ, paviedamlaje pres-słužba hałoŭnaj finansavaj ustanovy krainy.
Kupić abo pradać u kasach Nacbanka možna budzie źlitki, vyrablenyja ŭ Biełarusi, a taksama źlitki, vyrablenyja za miežami krainy, kali na ich jość abrevijatura Nacbanka.
«Ceny kupli-prodažu miernych źlitkaŭ buduć ustanaŭlivacca i raźmiaščacca na sajcie Nacbanka štodzionna», — paviedamili ŭ Nacbanku.
Nahadajem, što z pačatku hoda ceny na zołata vyraśli na 65 pracentaŭ. Siońnia trojskaja ŭncyja (prykładna 31,1 hrama) pieraadoleła płanku 4300 dalaraŭ.
Na sajcie Biełarusbanka hram zołata prapanujuć pa 465 rubloŭ, 50 hram — 21 250 rubloŭ, 100 — 42 900.
Ceny na zołata adnavili rost paśla taho, jak prezident ZŠA Donald Tramp anansavaŭ uviadzieńnie 100‑pracentnych pošlin na ekspart z Kitaja. Inviestary bajacca, što handlovaja vajna pamiž ZŠA i Kitajem adnavicca. Tradycyjna zołata razhladajecca inviestarami jak srodak zachavańnia kapitału ŭ pieryjady niestabilnaści.
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary