Papularnaha biełaruskaha błohiera ŭ Rasii abvinavacili ŭ machlarstvie
Niekalki dziasiatkaŭ čałaviek u Rasii abvinavacili błohiera Dzimu Jermuzieviča, jaki pachodzić ź Biełarusi i tut pačynaŭ svaju dziejnaść, u machlarstvie. Pra heta paviedamiŭ rasijski telehram-kanał «Ostorožno, novosti».
Pa słovach paciarpiełych, błohier pradavaŭ kurs pa fatahrafii, pradstaŭlajučy jaho jak anłajn-univiersitet biez najaŭnaści aficyjnaj licenzii. Adna z rasijanak raskazała, što vučyłasia z kastryčnika pa śniežań 2025 hoda i zapłaciła kala 85 tysiač rasijskich rubloŭ. Usiaho na kursie było prykładna 60 studentaŭ.
Padčas rekłamnaha efiru Jermuzievič, jak śćviardžajuć vučni, zajaŭlaŭ, što prajekt maje licenziju i aficyjny status anłajn-ŭniviersiteta. Pavodle jaho słoŭ, vypusknikam pavinny byli vydavać siertyfikaty i faktyčna davać prafiesiju, a prahrama nibyta prajšła pravierku.
Paźniej hety efir byŭ vydaleny. Zamiest abiacanych dakumientaŭ studentam dasłali vyjavy siertyfikataŭ, zroblenyja ŭ hrafičnym redaktary. Na ich, jak adznačajuć paciarpiełyja, nie było ni piačatki, ni podpisu, ni numara licenzii.
U adkaz na pretenzii kuratar kursa paviedamiŭ, što dziaržaŭnaj akredytacyi prahrama nie maje, a dakumienty dziaržaŭnaha ŭzoru nibyta i nie abiacalisia. Jermuzieviču nakiravali dasudovuju pretenziju, adnak u adkaz było skazana, što pasłuhi nasili infarmacyjna-kansultacyjny charaktar, tamu licenzija nie patrabujecca. Viartać hrošy arhanizatary admovilisia.
Kala 20 čałaviek užo padali skarhu ŭ Rasspažyŭnahlad i płanujuć źviarnucca ŭ sud z kalektyŭnym pazovam, a taksama ŭ prakuraturu.
Dzima Jermuzievič naradziŭsia ŭ Homieli ŭ 1998 hodzie, tut skončyŭ muzyčnuju škołu. Błohierskuju karjeru pačaŭ na YouTube u 2011 hodzie, paśla čaho pierajechaŭ u Minsk i vučyŭsia na režysiora. Ciapier jon viadomy jak fatohraf, aŭtar šou i muzyčnych prajektaŭ.
Błohier Pavieł Śpiryn vyjechaŭ u Litvu
«Jana choča zabrać sabie navat toje, što źjaŭlajecca maim». Eks-pradziusarka Lery Jaskievič emacyjna adkazała na ŭsie abvinavačvańni
«U vas jość lubimaja pieśnia?» Znajomciesia z Maksatam — samym viadomym stryt-videohrafam Minska
Stała viadoma, pa jakich artykułach sudzili błohiera Maksima Šukanava
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary