Što znachodzicca ŭnutry novaj sakretnaj bazy «Alfy» ŭ minskaj Baravoj?
Arhanizacyja byłych siłavikoŭ «Biełpoł» apublikavała novaje rasśledavańnie pra hrupu «A» KDB, viadomuju jak «Alfa». U im raspaviadajecca, jak elitnaje śpiecpadraździaleńnie, stvoranaje dla baraćby z teraryzmam, paśla pratestaŭ 2020 hodu stała paŭnavartasnaj vajskovaj častkaj. Hałoŭnyja momanty pierakazała «Lusterka».
Hrupa «A» pry KDB BSSR była stvorana ŭ 1990 hodzie jak prafiesijnaje antyterarystyčnaje padraździaleńnie. «Biełpoł» śćviardžaje, što doŭhija hady «Alfa» mieła vysoki aŭtarytet u siłavych strukturach i imknułasia dziejničać prafiesijna, biez praźmiernaha hvałtu.
Usio źmianiłasia z uzmacnieńniem palityčnych represij. Jak śćviardžajuć aŭtary, jašče za niekalki hadoŭ da 2020 hodu padraździaleńnie stała dehradavać, udzielničajučy ŭ razhonach pratestaŭ. Źjavilisia vypadki ździekaŭ nad zatrymanymi, jakich pieravozili na padłozie aŭtatranspartu i prymušali śpiavać pieśni dziela zabavy siłavikoŭ.
Kulminacyjaj hetaj dehradacyi, na dumku aŭtaraŭ rasśledavańnia, stała zabojstva prahramista Andreja Zielcara 28 vieraśnia 2021 hodu, kali piaciora ŭzbrojenych bajcoŭ «Alfy» ŭvarvalisia ŭ jahonuju kvateru.
Jak paviedamlaje «Biełpoł», na budaŭnictva novaj sakretnaj bazy «Alfy» ŭ minskim rajonie Baravaja byli vydzieleny «dziasiatki miljonaŭ dalaraŭ». Hety abjekt — dobra abstalavany aŭtanomny vajskovy haradok na bolš, čym 40 budynkaŭ. Pavodle źviestak rasśledavalnikaŭ, na jahonaj terytoryi znachodziacca:
- šmatfunkcyjanalny strałkovy cir praciahłaściu zvyš 400 metraŭ;
- taktyčnyja kompleksy i makiety dla trenirovak pa šturmie žyłych damoŭ, administracyjnych budynkaŭ, samalotaŭ, viertalotaŭ i čyhunačnych vahonaŭ;
- specyjalny basiejn dla padrychtoŭki bajavych płyŭcoŭ, dzie možna adpracoŭvać šturm z vady i vykarystoŭvać ahniastrelnuju zbroju;
- systema radyjoelektronnaj baraćby dla procidziejańnia bieśpiłotnikam.
U hałoŭnym vučebna-trenirovačnym korpusie, jak śćviardžajuć aŭtary videa, akramia słužbovych kabinietaŭ i spartzałaŭ, jość i VIP-zona z saŭnaj, biljardam i z dvuma kupielami. A kabiniety načalnika hrupy «A» i jahonych namieśnikaŭ abstalavany pakojami adpačynku sa spalnymi miescami.
Kali da 2020 hodu, pavodle infarmacyi «Biełpoł», adzinaj bronietechnikaj «Alfy» byŭ stary saviecki BTR-80, to paśla pratestaŭ padraździaleńnie pačali imkliva ŭzbrojvać. Źjavilisia sučasnyja rasijskija bronietransparciory BTR-82A i bajavyja mašyny piachoty BMP-2, abstalavanyja 30‑mm aŭtamatyčnymi harmatami.
Akramia taho, byŭ zakupleny ciažki bronieaŭtamabil «Zaŝitnik» biełaruskaj vytvorčaści. Asobnaja ŭvaha ŭ rasśledavańni nadajecca zakupcy aŭtamabilaŭ skrytaha braniravańnia. Za apošnija try hady, pavodle źviestak BELPOL, dla patreb «Alfy» i hienierałaŭ KDB było nabyta nie mienš jak 13 takich mašyn na ahulnuju sumu kala siami miljonaŭ dalaraŭ ZŠA.
«Alfa» KDB atrymała taksama na ŭzbrajeńnie nie prosta raźviedvalnyja, a ŭdarnyja bieśpiłotniki. Pad hetyja drony ŭ Biełarusi była naładžana ŭłasnaja vytvorčaść bojeprypasaŭ.
Naprykancy rasśledavańnia aŭtary prychodziać da vysnovy, što śpiecpadraździaleńnie KDB było pieraŭtvorana.
— Hrupa «A» KDB z vuzkaprofilnaha śpiecpadraździaleńnia pa baraćbie z teraryzmam i inšymi kryminalnymi złačynstvami, pieraŭtvorana ŭ paŭnavartasnuju vajskovuju častku, zdolnuju vieści ahulnavajskovy boj, — havorycca ŭ materyjałach.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
Tam idut takije žie prociessy diehradacii, kak i vo vsiej sistiemie vystrojennoj łukašienkami.
Navierch, 31 hod k riadu, pylesosami podymajuŝimi musor, podymajetsia musor i małoobrazovannyje otbrosy, kotoryje mniat siebia hosudarstvieńnikami i biełoj kosťju i priedany sistiemie łukašienko.
Vsie ich sobiesiedovanija, tiesty i provierki na polihrafie, razrabotany tak, čtoby priniať v svoi riady sadistov, durakov, kaŕjeristov, cinikov i łžiecov, tiech, kto, po prikazu łukašienko, budiet iźbivať, pytať, ubivať biezoružnoje nasielenije.