Staroje Hrodna praciahvajuć razburać. Pryčynu treba šukać u rasijskaj, uschodniaj mientalnaści načalstva. Jeŭrapiejski horad — interjerny, prastora vakoł žychara aharodžana budynkami, aprača nieba nad hałavoj. Placy ŭ jeŭrapiejskim horadzie zabudavanyja z usich bakoŭ i isnujuć dla zboru hramadzianaŭ abo jak rynki. Uschodni plac — heta volnaja ad zabudoŭ prastora ŭ horadzie, dzie znachodzicca rezidencyja ciapierašniaha ŭładara i dzie staić pomnik pačynalniku dynastyi, ź jakoj pachodzić uładar.
Z hetaha placa pavinny być bačny haryzonty nieabsiažnaj krainy i na hetym placy pavinny adbyvacca vajskovyja parady z udziełam słanoŭ abo tankaŭ.
Mnie kazali, što hadoŭ sorak tamu hrodzienskija ŭłady mielisia zrujnavać na Savieckim placy Farny kaścioł, kab ź placa byli vidać kominy pradpryjemstva «Azot». Ciapierašnija kiraŭniki Hrodna vysiekli drevy na placy, jakija vykonvali tuju ž funkcyju, što raniej pałac Radziviłaŭ, i raskryli prastoru z kominami niejkaha zavoda.
Pakul myśleńnie našych čynoŭnikaŭ i architektaraŭ budzie nie biełaruskim — našy staryja harady buduć razburacca.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary