Siem žycharoŭ Smarhoni asudzili za ŭdzieł u zakrytym dvarovym čacie
U Hrodzienskim abłasnym sudzie 14 kastryčnika byŭ abvieščany prysud siami žycharam Smarhoni pa spravie «dvarovych čataŭ», daviedałasia «Viasna».
Hetym razam sudzili ŭdzielnikaŭ i ŭdzielnic zakrytaha Telegram-čata «VILIJA», jaki ŭvachodziŭ u dvarovuju kaalicyju «Orden» i ŭ kastryčniku 2024 hoda byŭ pryznany «ekstremisckim farmavańniem».
Šeść žančyn i adnaho mužčynu pryznali vinavatymi va «ŭdziele ŭ ekstremisckim farmavańni» (č. 3 art. 361‑1 Kryminalnaha kodeksa). Žycharoŭ Smarhoni, jak i žycharoŭ Vaŭkavyska, asudžanych pa anałahičnaj spravie, adpravili ŭ kałoniju i pryznačyli im bujnyja štrafy. Prysud vynies Juryj Kazakievič.
Maret Valuk, Uładzimiru Kaŭłoŭskamu, Volzie Miranienka, Natalli Pupkievič, Śviatłanie Kaškiel i Marharycie Navumavaj pryznačyli pa dva z pałovaj hady kałonii i štrafy ŭ pamiery 800 bazavych vieličyń kožnamu (33 600 biełaruskich rubloŭ). Lubovi Valuk, jakaja maje ankałahičnaje zachvorvańnie, pryznačyli try hady «chatniaj chimii» i 500 bazavych vieličyń štrafu (21 000 štrafu).
Vosieńniu 2024 hoda pa ŭsich rehijonach Biełarusi prakaciłasia chvala zatrymańniaŭ pa «spravie dvarovych čataŭ», jakija, pa viersii abvinavačvańnia, «sprabavali abjadnacca ŭ arhanizacyju z metaj zachopu ŭłady». 29 kastryčnika 2024 hoda KDB pryznaŭ «ekstremisckim farmavańniem» dvarovuju kaalicyju «Orden», u jakuju ŭvachodziać dvarovyja čaty «Złyje kohtiki», «Sucharievo», «Sienica2.0», «Solidarnosť», «Volnyja vaŭki», «Navahrudskija partyzany», «VILIJA», «Skromnyje matrieški», «Sosiedi». Niekatorych udzielnikaŭ i ŭdzielnic čataŭ užo asudzili, a niekatoryja jašče čakajuć suda pad vartaj.
Tak, naprykancy kastryčnika ŭ Hrodzienskim abłasnym sudzie asudzili dzieviać žycharoŭ Vaŭkavyska za ŭdzieł ŭ dvarovym telehram-čacie «Volnyja vaŭki». Šeść žančyn i troch mužčyn abvinavacili va «ŭdziele ŭ ekstremisckim farmavańni» (č. 3 art. 361‑1 Kryminalnaha kodeksa) i pryznačyli im kałoniju i štrafy ŭ pamiery 800 bazavych vieličyń (33 600 biełaruskich rubloŭ) kožnamu. Pa źviestkach pravaabaroncaŭ «Viasny», pa spravie «dvarovych čataŭ» fihurujuć jak minimum 34 čałavieki pa ŭsioj Biełarusi.
Dzieviaci žycharam Vaŭkavyska pryznačyli kałoniju i bujnyja štrafy pavodle spravy dvarovych čataŭ
Trom žančynam dali kałoniju i vielizarnyja štrafy za dvarovy čat. Siarod ich 62‑hadovaja zavuč
Piać žycharoŭ Navahrudka asudzili za stvareńnie dvarovaha čata. Usich u kałoniju
U Hrodnie vosiem čałaviek sudziać za ŭdzieł u dvarovych čatach
«Mnie pahražali rasstrełam». Jak pieraśledujuć biełarusaŭ pa «spravie dvarovych čataŭ»
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary