Na hetym tydni ZŠA praviaduć vyprabavańnie mižkantynientalnaj balistyčnaj rakiety
ZŠA rychtujucca da zapusku mižkantynientalnaj balistyčnaj rakiety Minuteman III, zdolnaj nieści jadziernuju bojehałoŭku, paviedamlaje Newsweek. Heta budzie pieršaje vyprabavańnie takoj amierykanskaj rakiety paśla taho, jak prezident ZŠA Donald Tramp zajaviŭ pra namier adnavić jadziernyja vyprabavańni.
Pusk zapłanavany na 5 abo 6 listapada z bazy Vandenbierh u štacie Kalifornija. Rakieta, jakaja nie budzie mieć jadziernaj bojehałoŭki, pralacić nad Cichim akijanam i pavinna dasiahnuć palihona supraćrakietnaj abarony na atole Kvadžalejn (Maršałavy astravy).
Minuteman III — heta ćviordapaliŭnaja rakieta masaj kala 36 ton, pryniataja na ŭzbrajeńnie ZŠA jašče ŭ 1970 hodzie. Na ŭzbrajeńni amierykanskich vojskaŭ ciapier znachodzicca kala 400 takich rakiet, i jany rehularna madernizujucca.
U Pientahonie adznačyli, što padobnyja puski pravodziacca niekalki razoŭ na hod i nie źviazanyja z palityčnymi ci źniešnimi abstavinami. Apošnija vučeńni adbylisia ŭ mai, a letaś — dvojčy.
Miž tym za apošnija tydni Rasija taksama praviała šerah vyprabavańniaŭ svaich stratehičnych uzbrajeńniaŭ, u tym liku rakiet «Buravieśnik», «Jars», «Siniava», a taksama test padvodnaha aparata «Pasiejdon».
Pres-sakratar Kramla Dźmitryj Piaskoŭ zajaviŭ, što Maskva «adreahuje adpaviedna situacyi», kali ZŠA parušać dziejny maratoryj na jadziernyja vyprabavańni.
«Takoha ŭ śviecie niama». Pucin abviaściŭ pra vyprabavańni padvodnaha aparata «Pasiejdon» ź jadziernaj ustanoŭkaj
Narviežskaja raźviedka: «Buravieśnik» zapuścili z Novaj Ziamli
Tramp adkazaŭ Pucinu na vychvalańnie rakietaj «Buravieśnik»
Pucin pachvaliŭsia vyprabavańniami rakiety «ź nieabmiežavanaj dalokaściu»
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary