Najbujniejšy niamiecki vajskovy kancern Rheinmetall 4 listapada zakłaŭ pieršuju kapsułu pad budučy zavod bojeprypasaŭ u litoŭskim horadzie Bajsahała, paviedamlaje LRT. Zavod budzie vypuskać 155‑milimietrovyja artyleryjskija snarady — asnoŭny kalibr u krainach NATA, jaho płanujecca ŭvieści ŭ ekspłuatacyju niedzie ŭ siaredzinie 2026 hoda.
Pradpryjemstva raźmieścicca na płoščy 340 hiektaraŭ i pačnie pracu praz 12—13 miesiacaŭ. Na pieršym etapie płanujecca vyrablać 35 000 snaradaŭ, a da 2027 hoda, kali zavod vyjdzie na poŭnuju mahutnaść, — pavialičyć abjom da 100 000 snaradaŭ štohod. Pradukcyja budzie vypuskacca ŭ dźvie źmieny; kožnaja źmiena naličvaje pryblizna pa 200 supracoŭnikaŭ.
Inviestycyi ŭ prajekt składuć kala 300 miljonaŭ jeŭra — heta budzie najbolšaja vajskovaja inviestycyja ŭ historyi Litvy, jakaja pavialičyć vytvorčyja mahutnaści na ŭschodnim fłanhu NATA.
Hiendyrektar Rheinmetall Armin Papierhier skazaŭ, što budaŭnictva zavoda — heta «sihnał dla Rasii», jaki demanstruje zdolnaść NATA reahavać na pahrozy ź jaje boku.
Prezident Litvy Hitanas Naŭsieda, u svaju čarhu, nazvaŭ prajekt «stratehičnym krokam», skiravanym na ŭmacavańnie strymlivańnia, nieabchodnaha dla zachavańnia miru. Jon taksama adznačyŭ, što niamieckija inviestycyi adčuvalnyja «na litoŭskaj ziamli — u stali, technałohijach i, hałoŭnaje, u daviery».
Akramia zavodu ŭ Bajsahale, Rheinmetall padpisaŭ miemarandum ab namiery pabudavać u Litvie jašče adzin zavod dla vytvorčaści zaradaŭ dla artyleryjskich snariadaŭ. Dla Litvy, jak krainy NATA, jakaja miažuje z Rasijaj, najaŭnaść ułasnaj vytvorčaści bojeprypasaŭ ličycca važnym elemientam strymlivańnia mahčymaj ahresii z boku Kramla. Anałahičny zavod užo budujecca ŭ Łatvii.
Hetaja litoŭskaja placoŭka dałučajecca da sietki vytvorčaściaŭ Rheinmetall u Jeŭropie — kampanija ŭžo maje zavody ŭ Ispanii i Vienhryi i niadaŭna padpisała kantrakty na adnaŭleńnie vytvorčaści bojeprypasaŭ i porachu ŭ Bałharyi i Rumynii.
Raniej u Vilni abviaścili, što ŭ 2026 hodzie płanujuć pavysić vydatki na abaronu bolš za 5% VUP; taksama na terytoryi Litvy raźmiaścili niamieckuju tankavuju bryhadu, jakaja da kanca 2027 hoda pavinna vyraści z prykładna 500 da 5000 sałdat.
Patreby NATA mianiajuć ekanomiku Jeŭropy. Ale jeŭrapiejskaj abaroncy nie chapaje šerahu krytyčna važnych praduktaŭ
Za dva hady Jeŭropa ŭ šeść razoŭ naraściła vytvorčaść bojeprypasaŭ
U Hiermanii adkryvajuć samy bujny zavod bojeprypasaŭ u Jeŭropie
Tanki zamiest aŭtamabilaŭ. VPK zamianiaje aŭtapramysłovaść u jakaści hałoŭnaha ruchavika ekanomiki Hiermanii
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary