Zabivaŭ pacyjentaŭ, kab mienš pracavać unačy. Historyja miedbrata ŭ Hiermanii
Miedycynskaha rabotnika palijatyŭnaj dapamohi ŭ Hiermanii asudzili na pažyćciovaje źniavoleńnie. Jaho pryznali vinavatym u zabojstvie 10 pacyjentaŭ i zamachu na zabojstva jašče 27, paviedamlaje Bi-bi-si.
Prakuratura śćviardžaje, što mužčyna, imia jakoha nie raskryvajecca, uvodziŭ pažyłym pacyjentam abiazbolvalnyja abo siedatyŭnyja preparaty. Jon chacieŭ palehčyć sabie pracu padčas načnych źmien.
Złačynstvy byli ździejśnienyja ŭ pieryjad sa śniežnia 2023 hoda pa maj 2024 hoda ŭ balnicy horada Viurzielen, što na zachadzie Hiermanii.
Śledčyja paviedamlajuć, što zaraz praviarajuć jašče niekalki padazronych vypadkaŭ, jakija mahli adbycca na praciahu karjery miedbrata.
Pavodle źviestak infarmacyjnaha ahienctva AFP, mužčyna pracavaŭ u balnicy Viurzielena z 2020 hoda paśla taho, jak u 2007‑m vyvučyŭsia na miedbrata.
Prakurory zajavili, što abvinavačany vyjaŭlaŭ «razdražnieńnie» i niedachop empatyi da pacyjentaŭ, jakija patrabavali bolš intensiŭnaha dohladu. Jaho abvinavacili ŭ tym, što jon hulaŭ rolu «uładara žyćcia i śmierci».
Na sudzie paviedamili, što jon uvodziŭ pacyjentam vialikija dozy marfinu i siedatyŭnaha preparatu midazałamu, kab źmienšyć nahruzku padčas načnych źmien.
Jaho aryštavali letaś. Padčas vyniasieńnia prysudu sud adznačyŭ, što heta złačynstva źjaŭlajecca «asabliva ciažkim» i vyklučaje mahčymaść daterminovaha vyzvaleńnia paśla 15 hadoŭ źniavoleńnia.
Asudžany moža abskardzić prysud.
Prakurory paviedamili, što ciapier praciahvajecca ekshumacyja ciełaŭ, kab ustanavić inšych mahčymych achviar.
Heta historyja nahadvaje zabojstvy, jakija ździajśniaŭ inšy miedycynski rabotnik — Nils Hiohiel, jakoha ŭ 2019 hodzie asudzili na pažyćciovaje źniavoleńnie za zabojstva 85 pacyjentaŭ na poŭnačy krainy. Jaho ličać samym masavym zabojcam u sučasnaj Hiermanii.
Ciapier čytajuć
Łosik raskazaŭ, jak Babaryku katavali ŭ navapołackaj kałonii11
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch88
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch8
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary