Vajtoŭskaja, Hapiejeŭ, Bacharevič i Papova. Nazvanyja pieramožcy premii Ciotki za 2023 i 2024 hady
Litaraturnaje i mastackaje žury nazvali pieramožcaŭ premii Ciotki za najlepšuju knihu dla dziaciej i padletkaŭ adrazu za dva hady.
Cyrymonija ŭručeńnia adbyłasia siońnia, 9 listapada, na fiestyvali PRADMOVA ŭ Poznani, paviedamlaje Biełaruski PEN.
Premija Ciotki prysudžajecca ŭ dźviuch naminacyjach: za najlepšuju aŭtarskuju knihu dla dziaciej i padletkaŭ, napisanuju na biełaruskaj movie, a taksama za najlepšaje mastackaje afarmleńnie knihi dla dziaciej.
Arhanizatarami premii źjaŭlajucca dabračynnaja inicyjatyva «Viartańnie», Mižnarodny sajuz biełaruskich piśmieńnikaŭ i Biełaruski PEN.
Pieramožcy 2023 hoda
U litaraturnaj naminacyi pieramohu padzialili:
-
Jeva Vajtoŭskaja — za knihu «Hareźlivy pacałunak. Kniha 2» (vydaviectva «Januškievič», 2023) — «za śmiełuju impravizacyju pavodle japonskaha siužetu i biełaruski śviet hareźlivaha junactva»;
-
Valer Hapiejeŭ — za knihu «Volniery. Pradvieście» (vydaviectva «Januškievič», 2023) — «za adkryćcio novaj prastory biełaruskaha mifapaetyčnaha kosmasu».
U mastackaj naminacyi pieramahła Lizavieta Lankievič — za ilustracyi da knihi Jana Bžechvy «Akademija doktara Klaksa» (vydaviectva «Papury», 2023) — «za sučasny padychod da stvareńnia ilustracyj i knižnaha afarmleńnia».
Pieramožcy 2024 hoda
U litaraturnaj naminacyi pieramožcami stali:
-
Alhierd Bacharevič — za knihu «Kapitan Latučaja Ryba» (vydaviectva «Januškievič», 2024) — za mastackuju transfarmacyju vobrazu vyhnańnia ŭ vialikaje padarožža nasustrač śvietu;
-
Elha Papova — za knihu «Mora ŭ horadzie» (vydaviectva «Januškievič», 2024) — za lohki i niazmušany apovied pra mora, jakoje zaŭsiody z taboj.
U mastackaj naminacyi pieramožcam stała Marharyta Anis — za ilustracyi da knihi Vieraniki Jullaš «Rozum, śmiełaść i dobraje serca» (vydaviectva «Łubin», 2024) — «za ŭdumlivy padychod da stvareńnia hrafičnaha narytyvu i imiersiŭnaha makietu».
Raźviedka ZŠA: Biełaruś stała pieradavym vajskovym płacdarmam Rasii24
Kamientary