Minski rybałoŭ Pavieł Varancoŭ znoŭ prademanstravaŭ svajo majsterstva, złaviŭšy ŭ listapadzie na Prypiaci vielizarnaha soma.
Imia Paŭła dobra viadomaje ŭ biełaruskaj rybackaj supołcy dziakujučy jaho ŭłovam. Jon nie raz stanaviŭsia ŭładalnikam trafiejaŭ, što vyklikajuć zachapleńnie ŭ kaleh, adnak, prytrymlivajučysia pryncypaŭ bieražlivych adnosin da pryrody, zaŭsiody adpuskaje złoŭlenuju rybu nazad u raku, paviedamiŭ partał fishingby.com.
Na hety raz udača ŭśmichnułasia Paŭłu ŭ vyhladzie račnoha hihanta, pa pamierach bolš za adnamiesnuju nadzimanuju łodku. Rybałoŭ padzialiŭsia svaimi ŭražańniami:
«Dva dni rybałki na Prypiaci — i znoŭ pašancavała! Chacia zaraz dziejničaje zabarona na soma, ale klunuŭ mienavita jon. Paŭtary hadziny baraćby — i naš ekipaž vyciahnuŭ čarhovaha monstra. Chutkaja fotasiesija, zamier daŭžyni — i trafiej papłyŭ da siabie dadomu. Takija pryhažuny pavinny žyć!»
Daŭžynia złoŭlenaha soma skłała 2 mietry 15 santymietraŭ. Hety vypadak jašče raz paćviardžaje, što Prypiać pa pravie ličycca adnoj z samych bahatych na trafiejnuju rybu rek Biełarusi.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary