Ślady jašče adnaho źnikłaha aktyvista z Homielščyny adšukalisia ŭ mahiloŭskaj turmie
Pravaabaroncy z «Homielskaja viasny» daviedalisia, što hramadskaha aktyvista z Naroŭli Mikołu Vitkoŭskaha, jaki źnik niekalki miesiacaŭ tamu, utrymlivajuć u mahiloŭskaj turmie № 4.
Pavodle źviestak pravaabaroncaŭ, Mikołu Vitkoŭskaha zatrymali supracoŭniki KDB jašče ŭ vieraśni. Ciapier jon znachodzicca ŭ śledčym izalatary i abvinavačvajecca ŭ «zdradzie dziaržavie» pavodle art. 356 Kryminalnaha kodeksa.
Mikoła Vitkoŭski — aktyvist i siabra partyi «Narodnaja hramada», jakoha raniej nieadnarazova zatrymlivali pa administracyjnych spravach. Pryčyny adkryćcia kryminalnaj spravy pakul nieviadomyja, jak i toje, čamu mužčynu ŭtrymlivajuć mienavita ŭ Mahilovie, a nie ŭ homielskim SIZA abo ŭ SIZA KDB u Minsku.
Raniej, 13 listapada, stała viadoma, što ŭ toj ža turmie ŭ Mahilovie znachodzicca i inšy aktyvist z Homielskaj vobłaści — Alaksandr Jelisiejeŭ z Kalinkavičaŭ. Jaho taksama vinavaciać u zdradzie dziaržavie i abrazie Łukašenki. Abodva źnikli ŭ svaich haradach u vieraśni, tamu pravaabaroncy miarkujuć, što ich zatrymańnie moža być častkaj adnoj spravy.
Ciapier čytajuć
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam16
Kamientary