Hudžeroci: Łukašenka zapeŭniŭ mianie, što vizit Papy Lva XIV pajšoŭ by na karyść biełaruskamu narodu
Pra heta kardynał Hudžeroci raskazaŭ u intervju «Vatykanskim navinam».
«Łukašenka zapeŭniŭ mianie, što, na jaho pohlad, vizit Papy pajšoŭ by na karyść biełaruskamu narodu i što jon zrobić usio mahčymaje, kab heta adbyłosia. Takim čynam, jość sapraŭdny intares. Vidavočna, patrabujecca pasrednictva i abmierkavańnie: jak heta budzie adbyvacca, ciažka prydumać zvonku.
Papa nikoli nie pajedzie ŭ miesca, dzie jaho pryjezd stvoryć padzieł. Heta śviaty pryncyp: Papa jedzie tudy, dzie narod moža atrymać karyść, a nie dla taho, kab raspalvać supraćstajańnie [raniej ličyłasia, što Papa nie moža naviedvać krainy pad jurysdykcyjaj RPC — NN]. Treba stvaryć umovy, kab usie byli pierakananyja ŭ abjektyŭnaj kaštoŭnaści vizitu na karyść naroda, a nie dla niejkaj adnoj «zvanicy». Heta praca, jakuju treba zrabić. Ci budzie pośpiech adrazu ci zaŭtra? My nie viedajem», — skazaŭ kardynał.
«U maje časy išła havorka pra vizit Papy ŭ Biełaruś razam z patryjarcham Maskoŭskim; tady heta było niemahčyma. Potym patryjarch Maskoŭski i Papa sustrelisia ŭ inšym miescy. Chto b moh padumać pra takoje? Siła mary pavinna stać krynicaj našaj advahi: nielha viečna ŭzvažvać imaviernaści i mahčymaści, treba dziejničać», — dadaŭ jon
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram29
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary
Papa dla pajezdki čakaje zhodu pradstaŭnikoŭ samaj bujnoj kanfiesii, kali heta nie kataliki. Vidavočna, što RPC zvyčajna suprać - tamu i nie jedzie, kab nie čynić padziełaŭ i sprečak. Janu Paŭłu 2 u 2001 atrymałasia być va Ŭkrainie, bo UPC MP byli za.
Ale jak bačym, mnohija biełarusy dalej znachodziacca ŭ pałonie kamunistyčnych savieckich, a zatym łukašenkaŭskich i rasiejskich kodaŭ. Tamu dla ich adziny anahał zła - Hitler. Ale "rodnaje" savieckaje bajacca pryhadać, kab nie abrazić.