«Albo strata hodnaści, albo ryzyka straty klučavoha partniora». Zialenski vystupiŭ z dramatyčnym zvarotam da ŭkrainskaha naroda
Prezident Ukrainy Uładzimir Zialenski ŭ suviazi z atrymańniem 28 punktaŭ «mirnaha płanu» Donalda Trampa vystupiŭ ź videazvarotam da ŭkrainskaha naroda.
«Ciapier adzin z samych ciažkich momantaŭ našaj historyi. Ciapier Ukraina moža apynucca pierad vielmi składanym vybaram: albo strata hodnaści, albo ryzyka straty klučavoha partniora.
Albo składanyja 28 punktaŭ, albo vielmi ciažkaja zima, samaja ciažkaja, i dalejšyja ryzyki. Žyćcio biez svabody, hodnaści i spraviadlivaści i kab my vieryli tamu, chto napaŭ užo dvojčy. Ad nas buduć čakać adkaz», — zajaviŭ Uładzimir Zialenski.
«My budziem rabić usio, kab u vyniku stałasia skančeńnie vajny, a nie skančeńnie Ukrainy, Jeŭropy i hłabalnaha miru», — dadaŭ prezident Ukrainy.
Jon padkreśliŭ, što nastupny tydzień budzie vielmi składanym dla Ukrainy:
«My, viadoma, stalovyja, ale luby, navat samy mocny mietał moža nie vytrymać».
«My budziem spakojna pracavać ź Jeŭropaj i Amierykaj», — dadaŭ jon.
«Ja budu prapanoŭvać alternatyvy, ale dakładna my nie dadzim vorahu padstavaŭ skazać, što heta Ukraina nie choča miru».
«Treba sabracca, apamiatacca, spynić srač, kraina pavinna pracavać abjadnana. Treba nie błytać, chto vorah», — adznačyŭ Uładzimir Zialenski.
Jon nahadaŭ pra 24 lutaha 2022 hoda, kali taksama «chadaki» patrabavali, kab jon kapitulavaŭ:
«Mnohija z tych chadakoŭ paźniej stali častkaj abmiennaha fondu i «viernuliś v rodnuju havań».
«My nie zdradzili Ukrainie tady, my nie zdradzim i zaraz, — skazaŭ Zialenski. — Za mnoju — narod Ukrainy».
«Dziaržava pavinna pracavać, parłamient krainy, jakaja vajuje, pavinien pracavać abjadnana, urad krainy, jakaja vajuje, pavinien pracavać efiektyŭna», — padkreśliŭ jon.
Lidary ES i Zialenski nazvali adpraŭnuju kropku dla pieramoŭ ab miry
Zialenski i Tramp abmiarkujuć mirny płan na nastupnym tydni
Ukraina zapatrabavała vyklučyć ź mirnaha płana punkt ab praviadzieńni aŭdytu mižnarodnaj dapamohi, atrymanaj padčas vajny
U Jeŭropie płan Trampa pa Ukrainie ličać drennym
28 punktaŭ «mirnaha płana» ZŠA — poŭny śpis
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary