Śmierci, rasčlanieńni, mahičnyja amulety. Afrykanskuju dziaržavu zachlisnuła chvala rytualnych zabojstvaŭ
U Śjera-Leone na zachadzie Afryki adbyvajecca chvala žudasnych złačynstvaŭ, jakija ličać źviazanymi z rytualnymi zabojstvami. Siemji traciać svaich dziaciej i inšych svajakoŭ, čyje cieły časta znachodziać z vydalenymi orhanami, a častki pradajucca dla mahičnych abradaŭ. Palicyja redka raskryvaje takija spravy: nie chapaje resursaŭ, śledstva viadziecca słaba, a mnohija pravaachoŭniki sami bajacca dakranacca da džudžu, miascovaj formy čornaj mahii, piša Bi-bi-si.
Adna z historyj — pra Sali Kałakoch, maci 11‑hadovaha chłopčyka Papai. Jaho znajšli zabitym i žorstka źniaviečanym praz dva tydni paśla źniknieńnia. Palicyja navat nie paćvierdziła, što heta było rytualnaje zabojstva, i sprava tak i nie prasoŭvajecca.
Žurnalisty BBC Africa Eye praviali ŭłasnaje rasśledavańnie. Pad vyhladam «palityka», jaki choča atrymać uładu praz mahičny rytuał, jany sustrelisia ź ludźmi, jakija nazyvajuć siabie praktykami džudžu. Niekatoryja adkryta prapanoŭvali zdabyć čałaviečyja orhany abo navat zabić čałavieka za hrošy. Adzin z takich «žracoŭ» chvaliŭsia ŭpłyvovymi klijentami i pakazvaŭ čałaviečy čerap.
Situacyju ŭskładniaje toje, što ŭ krainie realna pracujuć dziasiatki tysiač tradycyjnych znacharaŭ, siarod jakich jość i sapraŭdnyja lekary-traŭniki, i machlary, jakija zajmajucca čornaj mahijaj. Navat u palicyi pryznajuć, što časta bajacca ŭmiešvacca ŭ takija spravy.
Žurnalistam udałosia pieradać častku materyjałaŭ palicyi. U adnym vypadku žraca — udzielnika arhanizavanaj sietki zatrymali i znajšli ŭ jaho domie kości, vałasy i inšyja padazronyja rečy. Ale i jaho samoha, i jahonych saŭdzielnikaŭ vypuścili pad zakład, rasśledavańnie zaciahvajecca.
Padobnyja zabojstvy čaściej za ŭsio adbyvajucca ŭ biednych rajonach, dzie ludzi žyvuć u strachu. Svajaki zahinułych časta sami apłačvajuć ekśpiertyzy, bo ŭłady hetaha nie robiać. Navat hučnyja spravy nie dachodziać da suda, a vinavatyja časta paźbiahajuć adkaznaści.
U vyniku hramadstva achoplena žacham i niedavieram da palicyi: ludzi adčuvajuć, što zastajucca sam-nasam z pahrozaj rytualnych zabojstvaŭ.
«Rasija padobnaja da vady». Jak rasijskaja prapahanda nieprykmietna zavajoŭvaje aŭdytoryju ŭ Afrycy i Łacinskaj Amierycy
Biełaruska padarožničaje pa samych biednych krainach Afryki i raskazvaje — jak heta, kali ciabie pastajanna razvodziać na hrošy
U Śjera-Leone abviaścili nadzvyčajnaje stanovišča z-za «zombi-narkotyka», zroblenaha z čałaviečych kostak
«Z aeraporta pryjšłosia vybiracca na łodcy». Biełaruska praviała niekalki miesiacaŭ u Śjera-Leone i raskazvaje, što tam i jak
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?7
Kamientary
A, kab nie było takoha, u śviecie jość kancepcyja pravoŭ čałavieka. I hetyja pravy - univiersalnyja, što dla supierdemakratyčnaj i pavažlivaj da kožnaha čałavieka Narviehii, što da tatalitarnaj Biełarusi, što da dzikunskaha Śjera-Lijonie. Ale, na žal, u płyni sučasnaha trampizmu dy inšaha pravaha revanšu kancepcyja ŭniviersalnaści pravoŭ čałavieka razburajecca i, kali i dalej rehresavać u hetym kirunku, chutka na rasčlanionku 11-hadovych chłopčykaŭ jeździćmuć turystyčnyja tury dziela zachavańnia "tradycyjnych kaštoŭnaściaŭ" hłabalnaha Poŭdnia.