ES padrychtavaŭ šerah novych sankcyj suprać Biełarusi, kab zakryć ščyliny, praź jakija Minsk dapamahaje Rasii ŭ vajnie suprać Ukrainy. Pra heta Radyjo Svaboda daviedałasia ad infarmavanych krynic u Brusieli.
Siarod abmiežavańniaŭ, jakija jość u novym pakiecie sankcyj ES, nastupnyja:
-
Uvodzicca zabarona na dadatkovy śpis technałohij i tavaraŭ padvojnaha pryznačeńnia, a taksama technałohij i tavaraŭ, jakija mohuć uzmacnić vajskovuju pramysłovaść i śfieru biaśpieki. Adznačajecca, što niekatoryja z hetych tavaraŭ Rasija vykarystoŭvała ŭ vajnie suprać Ukrainy — u pryvatnaści, kampanienty dla bieśpiłotnikaŭ;
-
Datyčna šerahu tavaraŭ, jakija mohuć uzmacnić vajskovuju pramysłovaść i śfieru biaśpieki, taksama ŭvodzicca zabarona na tranzit praź Biełaruś;
-
Uvodzicca zabarona na pastaŭki ŭ Biełaruś niekatorych typaŭ prahramnaha zabieśpiačeńnia;
-
Abmiažoŭvajecca impart aluminiju ź Biełarusi;
-
Pašyrajecca zabarona dla jeŭrapiejskich kampanij na akazańnie budaŭničych pasłuh u Biełarusi;
-
Zabaraniajucca darožnyja hruzapieravozki praz terytoryju ES kampanijam, jakimi na 25% ci bolš vałodajuć biełaruskija fizičnyja ci jurydyčnyja asoby;
-
Pašyrajecca śpis asobaŭ, jakija traplajuć pad sankcyi — siarod ich majuć być usie, chto atrymlivaje vyhadu ad biełaruskaha vajskova-pramysłovaha kompleksu;
-
Uvodziacca dadatkovyja miery kantrolu za finansavymi apieracyjami biełaruskich kampanij u ES.
Adznačajecca, što meta novaha pakietu sankcyj — maksimalna abmiežavać udzieł Biełarusi ŭ rasijskaj vajennaj mašynie i pierakryć usie mahčymyja šlachi abychodu jeŭrapiejskich abmiežavańniaŭ.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram29
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary
Navošta Jeŭropa ažno da kanca 2025 hoda (usie 4 hady paŭnamasštabnaj vajny) pastaŭlała kampanienty dla bieśpiłotnikaŭ, jakimi Rasieja bje pa Ukrainie?
Ciapier kampanienty dla rasiejskaha VPK, jakija jašče nie pajšli ŭ sankcyjny śpis, ź Jeŭropy buduć vazić kampanii, ŭ jakimi vałodajuć biełaruskija fizičnyja ci jurydyčnyja asoby na 24% i mieńš?
Ci kampanii, jakimi całkam vałodajuć hramadzianie ES?
A možna śpis hetych tavaraŭ? U papiarednich śpisach takimi tavarami byli tualetnaja papiera, huziki, farby, fłamastary.