Žonka 89‑hadovaha piensijaniera vyhnała kurjera machlaroŭ, ale mužčyna ŭsio adno znajšoŭ sposab pieradać im svaje aščadžeńni
U Minsku 89‑hadovy piensijanier staŭ achviaraj machlaroŭ. Niezvyčajnaść situacyi ŭ tym, što dla hetaha jamu spatrebiłasia pieraadoleć supraciŭ z boku ŭłasnaj žonki.
Spačatku mužčynu patelefanavali złamyśniki i padmanam vyciahnuli ź jaho asabistyja danyja. Paźniej jany znoŭ vyjšli na suviaź, napałochali čałavieka «kryminalnaj adkaznaściu» za razmovu ź nibyta złačyncami i nastajali, što pažyły mužčyna musić «zadekłaravać» svaje hrošy, inakš padčas pieratrusu ich zabiaruć.
Davierlivy piensijanier sabraŭsia pieradać kala 25 tysiač rubloŭ, ale jahonaja žonka svoječasova zrazumieła, što heta padman, i vyhnała kurjera, jaki pryjechaŭ pa hrošy.
Adnak sam mužčyna praciahvaŭ vieryć machlaram: pa ich navodcy jon pajechaŭ u handlovy centr i pakinuŭ kašalok z hrašyma ŭ niezačynienaj jačejcy kamiery zachavańnia. Tolki praź niekalki dzion jon zrazumieŭ, što jaho padmanuli.
Apieratyŭniki ŭstanavili asobu i zatrymali kurjera, jaki zabraŭ hrošy z kamiery. Vyśvietliłasia, što heta 39‑hadovy žychar Kalinkavičaŭ, jaki sam trapiŭ pad upłyŭ machlaroŭ. Da hetaha jon užo paśpieŭ zabrać hrošy ŭ inšych paciarpiełych: u žychara Barysava — kala 10 tysiač dalaraŭ, a ŭ 46‑hadovaha minčuka — hrošy, uziatyja pa dvuch kredytach. Usie atrymanyja srodki jon pieradavaŭ dalej pa łancužku.
Pa hetych faktach raspačatyja kryminalnyja spravy, śledstva praciahvajecca.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ2
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary