U Minskim zaaparku vybrali simvał nastupnaha hoda, jaki pavodle ŭschodniaha haraskopu źjaŭlajecca hodam Vohniennaha Kania, paviedamlaje ahienctva «Minsk-Naviny».
Vybar praviali praz hałasavańnie ŭ sacsietkach. Usie achvotnyja mahli prahałasavać za adnaho z vaśmi pradstaŭlenych koniej z roznym charaktaram i źniešnaściu.
Pieramohu atrymała šaścihadovaja kabyła Zara. Jana hniadaja, sumieś biełaruskaj zapražnoj i łatvijskaj ciepłakroŭnaj parody.
U zaapark Zara pryjšła ŭ 2020 hodzie, i supracoŭniki pryznajucca, što heta była luboŭ ź pieršaha pohladu. Zara vielmi pryviazanaja da čałavieka: chodzić za zaatechnikam chvastom, razumieje intanacyi, spakojnaja i dobrazyčlivaja, pracuje ź dziećmi i kataje maładych końnikaŭ vielmi aściarožna.
Druhoje miesca ŭ hałasavańni zaniała Smołka — dziesiacihadovaja ciomna-šeraja kabyła-poni, jakaja naradziłasia ŭ zaaparku i źjaŭlajecca ŭlubionkaj dziaciej.
Treciaje miesca — Pijon, spakojny i družalubny konik poni-kłasa, jakoha pryvieźli ŭ zaapark užo darosłym.
Akramia hetaha, siarod kandydataŭ byli i inšyja cikavyja koni, naprykład, Orlik, jaki sam prychodzić na pracu ŭ zaprežcy, i Miełodyja, varanaja kabyła sa składanym, ale cikavym charaktaram.
Zaatechnik zaaparku Alena Jakuševič adznačaje, što całkam padtrymlivaje vybar padpisčykaŭ: Zara — jaje ŭlubiony koń, i vybar simvała hoda, na jaje dumku, spraviadlivy.
Usiaho ŭ Minskim zaaparku ciapier žyvuć dziesiać koniej, piać poni i try vośliki.
Jak budzie jeździć transpart u Minsku ŭ navahodniuju noč
U Minsku zapalili hałoŭnuju navahodniuju jełku krainy VIDEA
Damok Dzieda Maroza adkryjecca ŭ Minskim zaaparku 25 śniežnia
Navahodnija łakacyi viačerniaha Minska — jak upryhožanyja vulicy i brendy FOTY
Tabun navahodnich koniej: što možna kupić na Kamaroŭcy ŭ śniežni
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary
https://minsknews.by/rukovodstvo/
Zaapark - adno z 2-ch miescaŭ hramadskich prac dla hramadzian u statusie "biespracoŭny". Druhoje - bataničny sad. Nakiravańnie vydajecca biespracoŭnamu na adzin dzień u bataničny sad i kolki zaŭhodna dzion u zaapark.
Hrošy hetym dvum ustanovam pieravodzić dziaržaŭnaja słužba zaniataści. U maim vypadku 29 byn zarobku prychodzicca čakać 30 dzion. Siońnia voś akurat 30-ty. Čakaju apłaty za 18-je listapada.