ZŠA ŭ hetym miesiacy nanieśli ŭdar pa partovym abjekcie na terytoryi Vieniesueły
Bieśpiłotnik CRU nanios udar pa pryčale na ŭźbiarežžy Vieniesueły, paviedamili CNN krynicy, znajomyja ź situacyjaj. Heta staŭ pieršy vypadak, kali ZŠA atakavali cel na terytoryi hetaj krainy.
Jak udakładnili surazmoŭcy CNN, amierykanski ŭrad atrymaŭ źviestki, što pryčał vykarystoŭvaŭsia hrupoŭkaj Tren de Aragua dla zachoŭvańnia narkotykaŭ i ich pierahruzki na sudny dla dalejšaj adpraŭki. U momant udaru na abjekcie nikoha nie było, tamu paciarpiełych niama, śćviardžajuć krynicy telekanała.
Na minułym tydni prezident ZŠA Donald Tramp, imavierna, zhadaŭ mienavita hetuju apieracyju ŭ adnym ź intervju. 26 śniežnia jon zajaviŭ, što ZŠA źniščyli niejki «bujny abjekt, adkul prybyvajuć karabli».
U paniadziełak, kali Trampa znoŭ spytali pra heta, jon skazaŭ, što ZŠA ździejśnili ataku «ŭ rajonie dokaŭ, dzie zahružajuć sudny narkotykami». Adnak jon admoviŭsia kamientavać, ci była ataka ździejśniena vajskoŭcami ci CRU.
Za apošni čas ZŠA źniščyli bolš za 30 sudnaŭ u Karybskim mory i va ŭschodniaj častcy Cichaha akijana, tłumačačy heta kampanijaj pa baraćbie z narkatrafikam.
Kamientary