Pastupać u VNU na zavočnaje adździaleńnie dazvolili biez stažu pa śpiecyjalnaści
Alaksandr Łukašenka padpisaŭ ukaz «Ab udaskanaleńni ŭstupnaj kampanii». Jak zajaŭlajecca, dakumient nakiravany na toje, kab abituryjenty mieli roŭnyja ŭmovy dla pastupleńnia va ŭstanovy vyšejšaj i siaredniaj śpiecyjalnaj adukacyi, a konkursny adbor byŭ maksimalna spraviadlivym.
Ukazam stvorana dziaržaŭnaja kamisija, jakaja budzie kantralavać padrychtoŭku i praviadzieńnie ŭstupnaj kampanii. Taksama zaćvierdžany jaje pastajanny skład. Kamisija atrymała paŭnamoctvy sačyć u tym liku za praviadzieńniem univiersiteckich alimpijad, jakija dajuć prava na lhotnaje pastupleńnie ŭ VNU.
Kiraŭnicaj kamisii pryznačyli namieśnicu premjer-ministra Natallu Piatkievič. U jaje skład uvajšli pradstaŭniki Savieta Respubliki i Pałaty pradstaŭnikoŭ, dziaržaŭnych orhanaŭ kiravańnia, kantrolnych struktur i praŭładnych hramadskich arhanizacyj.
Akramia hetaha, ukaz unosić źmieny ŭ praviły pryjomu. Naprykład, dla pastupleńnia va ŭniviersitet na zavočnuju abo dystancyjnuju formu navučańnia bolš nie budzie patrabavacca, kab pracoŭny staž adpaviadaŭ abranamu profilu adukacyi.
Taksama ŭdakładniajucca lhotnyja katehoryi abituryjentaŭ u suviazi sa stvareńniem kaledža Ministerstva ŭnutranych spraŭ.
Jašče adno novaŭviadzieńnie — uviadzieńnie profilnaha ekzamienu pa pradmiecie «Historyja Biełarusi ŭ kantekście suśvietnaj historyi», pakolki mienavita hetuju dyscyplinu ciapier vyvučajuć u 10—11 kłasach zamiest asobnaha kursa historyi Biełarusi.
U Biełarusi jość VNU, kudy zaličvajuć da siaredziny listapada
«Bałaŭ nie chapiła nikudy, navat na płatnaje». Što kažuć baćki abituryjentaŭ, jakija nie pastupili
BDU padvioŭ vyniki ŭstupnaj kampanii. Stali viadomyja samyja papularnyja śpiecyjalnaści
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii21
Kamientary