Suśvietnyja ceny na zołata ŭpieršyniu ŭ historyi pieraadoleli adznaku ŭ 4600 dalaraŭ za uncyju. Hety rost byŭ spravakavany ciskam na FRS ZŠA i abvastreńniem situacyi vakoł Irana.
U paniadziełak suśvietnyja ceny na zołata ŭpieršyniu ŭ historyi pieraadoleli psichałahičnuju adznaku ŭ 4600 dalaraŭ za uncyju.
Imklivy rost koštu kaštoŭnych mietałaŭ vyklikany ciskam na Fiederalnuju reziervovuju sistemu ZŠA i abvastreńniem situacyi na Blizkim Uschodzie, paviedamlaje Reuters.
Asnoŭnym drajvieram rostu cany stała zajava kiraŭnika Fiederalnaj reziervovaj sistemy ZŠA Džerama Paŭeła pra atrymańnie pozvaŭ ad Ministerstva justycyi.
Rasśledavańnie, jakoje źviazvajuć z asabistym kanfliktam pamiž Paŭełam i prezidentam Donaldam Trampam adnosna pracentnych stavak, vyklikała paniku na finansavych rynkach.
Na fonie hetych navin fjučarsy na akcyi ZŠA pajšli ŭniz, daŭšy «zialonaje śviatło» dla dalejšaha rostu koštu bankaŭskich mietałaŭ.
Dadatkovym faktaram rostu cen stali padziei ŭ Iranie, dzie kolkaść achviar padčas pratestaŭ pieravysiła 500 čałaviek. Tehieran aficyjna pryhraziŭ atakami na vajskovyja bazy ZŠA ŭ adkaz na zajavy Donalda Trampa pra hatoŭnaść umiašacca ŭ kanflikt na baku paŭstancaŭ.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary