Na moładzievym źjeździe «Hruzinskaj mary» źziaŭ Cotne Ivanišvili — jaho nazyvajuć hruzinskim Kolem Łukašenkam
U Tbilisi prajšoŭ źjezd moładzievaha kryła partyi «Hruzinskaja mara». Adnoj z hałoŭnych padziej źjezdu stała źjaŭleńnie 20‑hadovaha Cotne Ivanišvili — syna šeraha kardynała Hruzii.
Na fotazdymkach premjer-ministr Hruzii, mer Tbilisi, i kiraŭnik moładzievaha kryła «Hruzinskaj mary» akazvajuć jamu roznyja znaki ŭvahi, niahledziačy na toje, što Cotne Ivanišvili nie zajmaje nijakaj pasady ŭ partyi, piša telehram-kanał «Javakhadze! | Džavachadzie!»
Małodšy syn aliharcha Ivanišvili supravadžaje baćku i ŭdzielničaje praktyčna va ŭsich palityčnych mierapryjemstvach partyi baćki.
«Vidavočna, mienavita małodšaha syna Bidzina Ivanišvili razhladaje ŭ jakaści svajho pierajemnika», — piša kanał.
Cotne — małodšy syn hruzinskaha miljardera i zasnavalnika partyi «Hruzinskaja mara» Bidziny Ivanišvili. Jak i jahony starejšy brat, repier Biera Ivanišvili, Cotne maje redkuju hienietyčnuju asablivaść — albinizm. Heta zrabiła abodvuch bratoŭ miedyjnymi asobami, jakich baćka časta vykarystoŭvaje dla stvareńnia vobraza idealnaj i niezvyčajnaj siamji.
Apazicyja krytykuje «Hruzinskuju maru» i samoha Ivanišvili za represiŭnyja inicyjatyvy, jakija całkam supadajuć z rasijskaj madellu rehulavańnia hramadskaj dziejnaści.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary
Upenieny, što Kola moža biez anijakich sumnievaŭ vyjści scprać ich na konkursie pryhažości i piermahačy!