Historyjaj, jakaja adbyłasia kala dźviarej pamiaškańnia, kudy varšaŭskija biełarusy pa subotach vodziać svaich dziaciej na teatralny hurtok, padzialiŭsia ŭ fejsbuku žurnalist Ihar Kulej.
Zaniatki ŭ teatralnym hurtku adbyvajucca ŭ samym centry horada na vialikaj płoščy. Siońnia arhanizatary hurtka niešta zapaźnilisia i svoječasova nie adčynili dźviery, tamu baćkam ź dziećmi daviałosia krychu pačakać.
Kala dźviarej stajała niekalki baćkoŭ ź dziećmi, i adzin ź biełarusaŭ zapytaŭ u Ihara, ci viedaje jon žančynu, jakaja stajała niepadalok ad hrupy i ŭsich fatahrafavała. A kali toj skazaŭ, što nie, to mužčyna paraiŭ jamu być aściarožnym.
«Ja staŭ nazirać. Siaredniaha rostu, apranutaja ŭ niakidkija kolery, na hałavu naciahnuty kapiušon. U levaj ruce papiarovaja torbačka ź niejkim piečyvam, jakoje jana padjadała. U pravaj ruce telefon, jaki jana raz poraz kiravała na nas. A kali padychodziŭ nastupny darosły ź dziciom, jašče zdalok, jak by vypadkova, kiravała aparat i ŭ ich bok. Jana dobra viedała, jak rabić zdymki prychavana, trymajučy kamieru na ŭzroŭni pojasu, a paźniej padymała da vačej i praviarała, ci zdymak atrymaŭsia», — apisvaje situacyju Kulej.
Paśla taho jon vyrašyŭ pravieści test:
«Padyšoŭ tak, kab jana traplała razam sa mnoj u sełfi-kadr i bačyła, što ja zdymaju. Jana rezka raźviarnułasia i schavała tvar. Paśla hetaha adyšła, stała značna dalej ad nas, ale praciahnuła kiravać kamieru ŭ bok novych biełarusaŭ, jakija padychodzili pad dźviery ź dzietkami».
Kali Ihar padyšoŭ da žančyny i spytaŭ pa-polsku, što adbyvajecca, jana taksama pa-polsku biez akcentu adkazała, što prosta robić siamiejnyja fota, i pasprabavała pajści. Kali ž Kulej vyklikaŭ palicyju i jana heta zrazumieła, to «jana kinułasia praz čatyrochpałosnuju darohu i ŭciakła».
«Navošta im hetyja zdymki? Złamać ludziej psichałahična, stvaryć uražańnie, što nikomu nielha daviarać, što vakoł ahientura. «My ŭsio pra ciabie viedajem, siońnia ty byŭ na zaniatkach sa svaim synam u błakitnaj kurtcy. U nas i tam jość svaje ludzi, padumaj pra maleńkaha syna, supracoŭničaj…», — vykazvaje svaju viersiju Ihar Kulej.
Kamientary
Tiem boleje, čto tramp odobriajet skotnyje dvory, voschiŝajetsia skotnymi dvorami i nie protivodiejstvujet skotnym dvoram, a złyje jazyki pohovarivajut, čto vstavlajet pałki, na urovnie śpiecsłužb Jevropy, v protivodiejstvii skotnym dvoram putina i łukašienko