Na adnu vakansiju — da 34 reziume. Što adbyvajecca z rynkam pracy
Na pačatku 2025 hoda adčuvaŭsia deficyt kadraŭ, ale ŭžo da kanca hoda kankurencyja za pracoŭnyja miescy vyrasła da maksimalnych značeńniaŭ.
Reziume stała bolš, vakansij — mienš, zarobki praciahnuli raści, a na rynak pačali aktyŭna vychodzić maładyja suiskalniki. Daśledčy centr rabota.by padvioŭ vyniki 2025 hoda na rynku pracy i padzialiŭsia imi z Onliner.by.
Kolkaść reziume rezka vyrasła
Z pačatku 2025 hoda na rynku pracy naziraŭsia dysbałans pamiž popytam i prapanovaj. U pieršym kvartale analityki rabota.by fiksavali deficyt kadraŭ u šerahu śfier. Ale ŭžo ŭ druhim kvartale aktyŭnaść suiskalnikaŭ pačała raści, a kolkaść vakansij, naadvarot, skaračacca.
Kali brać za punkt adliku studzień 2024 hoda, to da kanca 2025 hoda kolkaść raźmieščanych reziume vyrasła na 67,4%. Pry hetym vakansij stała mienš na 13,5%.
Što z kankurencyjaj za pracoŭnyja miescy?
Akramia kolkaści reziume i vakansij, analityki placoŭki aceńvajuć indeks rabota.by — suadnosiny kolkaści reziume da kolkaści vakansij. Jon adlustroŭvaje ŭzrovień kankurencyi na rynku pracy: čym vyšejšy pakazčyk, tym składaniej suiskalnikam znajści pracu i tym praściej pracadaŭcam padabrać kandydataŭ.
Zdarovaj ličycca situacyja, kali na adnu vakansiju prypadaje 6—8 reziume. Kali pakazčyk 4 i nižejšy — na rynku deficyt kadraŭ, kali vyšejšy za 8 — kankurencyja vysokaja.
Na pačatku 2025 hoda indeks rabota.by ŭ cełym pa rynku składaŭ 8,8. U lutym jon źniziŭsia da 7,6 i da vieraśnia zastavaŭsia ŭ miežach normy. Heta aznačała, što rynak znachodziŭsia ŭ stanie adnosnaj raŭnavahi. Adnak u kastryčniku indeks vyras da 10, a da śniežnia dasiahnuŭ 12,1 — maksimalnaha značeńnia za hod.
Kankurencyja prykmietna adroźnivałasia ŭ zaležnaści ad haliny. Na pačatku hoda deficyt kadraŭ naziraŭsia ŭ roźničnym handli, budaŭnictvie, vytvorčaści i turyźmie. Naprykład, u handli indeks nie pieravyšaŭ 5 reziume na adnu vakansiju.
U toj ža čas u śfierach «Markietynh, rekłama i PR» i «Infarmacyjnyja technałohii» fiksavaŭsia praficyt: na adnu vakansiju ŭ siarednim prypadała ad 16 da 22 reziume.
Da kanca 2025 hoda situacyja źmianiłasia i ŭ śfierach masavaha najmu.
Indeks rabota.by vyras da 7—8. Tak, u roźničnym handli pakazčyk pavialičyŭsia z 4,6 reziume na vakansiju ŭ studzieni da 5,6 u śniežni. U vytvorčaści — z 6,1 da 7,1, u turyźmie — z 5,5 da 8,3.
U praficytnych halinach kankurencyja stała jašče vyšejšaj. U śfierach «Markietynh, rekłama, PR», «Infarmacyjnyja technałohii» i «Administracyjny piersanał» na adnu vakansiju prypadała ad 20,2 da 34,3 reziume. Heta aznačaje, što suiskalnikam u hetych napramkach stała značna składaniej znajści pracu.
Zarobki raśli, ale nie va ŭsich
Miedyjanny zarobak, prapanavany ŭ vakansijach, na praciahu 2025 hoda praciahvaŭ raści. Da kanca hoda pavialičyŭsia na 19,5% u paraŭnańni sa studzieniem. Miedyjany zarobak — heta siaredniaje značeńnie: 50% kampanij prapanujuć mienš za hetu sumu, a 50% — bolš.
Pry hetym u roźničnym handli, a taksama ŭ śfierach «Turyzm, haścinicy, restarany» i «Administracyjny piersanał» miedyjannyja zarobki, niahledziačy na rost, pa-raniejšamu zastajucca nižejšyja, čym u bolšaści inšych halinaŭ.
Trendy 2026 hoda: ŠI, utrymańnie supracoŭnikaŭ i kankurencyja
Pracadaŭcy pierachodziać ad najmu da ŭtrymańnia. Na fonie rostu kankurencyi i źnižeńnia tempaŭ źjaŭleńnia vakansij kampanii buduć rabić staŭku nie na masavy nabor, a na zachavańnie i raźvićcio ŭžo naniatych supracoŭnikaŭ.
Dośvied važniejšy za dypłomy. Pry padbory piersanału pracadaŭcy ŭsio čaściej buduć aryjentavacca na praktyčnyja navyki kandydataŭ, a nie na farmalnyja dakumienty.
Popyt na prafiesii masavaha najmu zachavajecca. Roznarabočyja, kurjery, vadzicieli, pradaŭcy, administratary, kamplektoŭščyki zakazaŭ zastanucca siarod samych zapatrabavanych.
Niekalki pakaleńniaŭ u adnoj kamandzie. Na rynak užo vychodziać 14‑hadovyja suiskalniki, i ŭ kalektyvach adnačasova buduć pracavać pradstaŭniki niekalkich uzrostavych pakaleńniaŭ.
ŠI stanovicca bazavym navykam. Umieńnie karystacca instrumientami štučnaha intelektu pierastaje być pieravahaj i pieratvarajecca ŭ standartnaje patrabavańnie da kandydataŭ.
Kankurencyja ŭzmacniaje ryzyku vyharańnia. Na fonie vysokaj kankurencyi za pracoŭnaje miesca i rostu aktyŭnaści pavialičvajecca vierahodnaść vyharańnia — pavodle apytańnia rabota.by, z hetym užo sutykalisia bolš za 80% apytanych.
Hnutki farmat pracy zamacoŭvajecca. Bolšaść suiskalnikaŭ addaje pieravahu hibrydnamu farmatu, a amal kožny piaty — całkam dystancyjnaj pracy.
Kamientary
Tak i dołžno byť pri riecieśsii.