Piatkievič: Da 2030 hoda ŭ Biełarusi čakajecca ŭsplosk naradžalnaści
Urad pracuje nad madernizacyjaj sistemy dapamohi na dohlad dziciaci, paviedamiła namieśnica premjer-ministra Natalla Piatkievič padčas sumiesnaha pasiadžeńnia dźviuch pałat parłamienta, piša BiełTA.
«Zaraz urad pracuje nad madernizacyjaj sistemy dapamoh na dohlad dziciaci dla taho, kab źnizić ryzyki paharšeńnia materyjalnaha stanovišča žančyn, jakoje jany mieli da naradžeńnia dziciaci, i zabiaśpiečyć hodny ŭzrovień materyjalnaha dabrabytu našych mam», — skazała Natalla Piatkievič.
Havoračy pra demahrafičnuju situacyju, Natalla Piatkievič adznačyła, što jana charaktaryzujecca cełym sukviećciem demahrafičnych ryzyk jak abjektyŭnaha, tak i subjektyŭnaha charaktaru.
Jak i ŭ bolšaści krain śvietu, u Biełarusi nazirajecca stareńnie nasielnictva, źnižeńnie intensiŭnaści naradžeńnia pieršaha i druhoha dziciaci, źmianieńnie ŭzrostavaj madeli naradžalnaści. Užo havorać pra tak zvanaje adkładzienaje maciarynstva.
Pavodle jaje słoŭ, čakać usplosku naradžalnaści možna prykładna da 2030 hoda, kali baćkami stanie čarhovaje pakaleńnie bebi-bumu.
Kamientary
Nievialiki rost, ciaham piaci-siami hadoŭ, a potym iznoŭ spad, jašče hłybiejšy za papiaredni. Hetyja chvali ź intervałam prykładna 30 hod mała zaležać ad źniešnich abstavin. Chiba amplituda moža krychu mianiacca.