Dačka byłoha babrujskaha žurnalista Uładzimira Usiera (Łazarava) Maryna Avitan u fejsbuku paviedamiła, ad čaho pamior jaje baćka. Dahetul jana nastojvała na «nieabchodnaści strohaha zachavańnia kanfidencyjnaści» i śviadoma nie davała hramadskaści nijakaj infarmacyi, ale paśla vystupleńnia pa BT byłoha susieda Usiera pa kvatery ŭ Biełastoku Anatola Vajciachoŭskaha spyniła maŭčańnie.
«Nijakich pabojaŭ nie było. Moj baćka nie pamiraŭ u vyniku hvałtu.
Pryčyna śmierci aficyjna ŭstanoŭlenaja i zafiksavanaja dakumientalna: ciažkaja forma chraničnaha cukrovaha dyjabietu, insulinavaja koma, a taksama surjoznyja sardečna-sasudzistyja zachvorvańni, jakija mieli ŭ tym liku hienietyčnuju pryrodu.
Uvieś praces jaho zatrymańnia znachodziŭsia pad kantrolem chutkaj miedycynskaj dapamohi, jakaja prysutničała na miescy i ažyćciaŭlała nieabchodny miedycynski kantrol u adpaviednaści z ustanoŭlenymi pracedurami», — padkreślivaje žančyna.
Dała jana acenku i aktyŭnaści Anatola Vajciachoŭskaha:
«Usie zajavy i viersii, jakija raspaŭsiudžvajucca Anatolem Vajciachoŭskim, źjaŭlajucca śviadomaj chłuśnioj i manipulacyjaj i nie majuć ničoha ahulnaha z realnaściu. Ich meta vidavočnaja — dyskredytavać dziaržavu, jakaja pryniała majho baćku i dała jamu palityčnuju abaronu, a taksama stvaryć infarmacyjnaje prykryćcio dla sproby apraŭdać čyjości viartańnie na terytoryju Respubliki Biełaruś. Pierad kim i ź jakoj metaj patrabujecca padobnaje «apraŭdańnie», zastajecca adkrytym pytańniem».
Maryna Avitan kaža, što Vajciachoŭski, žyvučy z Usieram, mieŭ dostup da jaho bankaŭskaj kartki, asabistaha kampjutara, telefona i asabistych rečaŭ, a taksama viedaŭ dakładny bałans hrašovych srodkaŭ na jaho karcie. U sukupnaści z tym, što jon vyviez asabistyja dakumienty Usiera za miežy Polščy, heta, na dumku žančyny, «śviedčyć pra najaŭnaść ułasnych, daloka nie bieskaryślivych intaresaŭ».
«Ja b surjozna zadumałasia nad tym, čamu spadar Anatol z takoj nastojlivaściu sprabuje atrymać infarmacyju pra majho baćku, pra jaho cieła i ŭsie abstaviny taho, što adbyłosia. Na hetym fonie padobnaja aktyŭnaść vyhladaje nie kłopatam, a sprobaj stvaryć patrebny jamu infarmacyjny šum», — kanstatuje jana.
Nahadajem, što ŭ listapadzie 2025‑ha ŭ biełastockuju kvateru, dzie Vajciachoŭski žyŭ razam z 69‑hadovym babrujčaninam Uładzimiram Usieram (Łazaravym) uvarvalisia vosiem čałaviek sa zbrojaj i ŭ broniekamizelkach — heta byli polskija śpiecsłužby. U kvatery praviali pieratrus, a Łazarava zabrali pa padazreńni ŭ špijanažy. U pačatku śniežnia stała viadoma pra śmierć 70‑hadovaha Usiera, jakoha z-za ciažkaha stanu zdaroŭja brać pad vartu ŭrešcie nie stali.
Da špijanažnaj historyi abodva susiedy ŭlapalisia ŭ prapahandyscki film BT. Pa zamovie prapahandystaŭ, jakija nazvalisia aktyvistami ź Vilni, jakija chočuć dapamahčy ź finansavańniem tym, kamu ciažka ŭ emihracyi, Vajciachoŭski i Usier zapisali videa, u jakim raskazali pra ŭsie minusy žyćcia ŭ zamiežžy.
Anatol Vajciachoŭski źnik z pola zroku nieŭzabavie paśla śmierci Usiera, a 12 studzienia jon źjaviŭsia ŭ prapahandysckim videa na dziaržaŭnym telebačańni. U roliku śćviardžałasia, što pierad hibiellu Usier nibyta napisaŭ zajavu ŭ śpiecyjalnuju kamisiju pa viartańni, ale pamior, tak i nie atrymaŭšy adkazu.
Siabar Usiera Anatol Vajciachoŭski paprasiŭ dapamohi ŭ polskaha sudździ-ŭciekača Tomaša Šmita
Anatol Vajciachoŭski spakojna pryjechaŭ u Biełaruś rejsavym aŭtobusam
Biełastocki aktyvist Anatol Vajciachoŭski, jaki ciškom viarnuŭsia ŭ Biełaruś, daŭ intervju prapahandystam
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž
Raźviedka ZŠA: Biełaruś stała pieradavym vajskovym płacdarmam Rasii24
Kamientary
////
Małajčyna Maryna Avitan, nie ŭdzielničaje ŭ prapahandonskim paskudtvie i dała svaju adznaku vajciachoŭskamu.
[Zredahavana]
[Zredahavana]
Jak ja zrazumieŭ hety.... vajciachoŭski ahient niedareka i marhinał pa-žyćci, jaki ničoha karysnaha svaim haspadaram nie prynies i nikudy asabliva nie trapiŭ i navat pracaŭładkavacca narmalna nie zdoleŭ..) bo zanadta tupy i lanivy, a łukašystam vybirać nie vypadaje bo ŭ samich uzrovień nižej za plintus. Voś jany i zrabili sup ź siakiery.