«Supracoŭniki byli ŭ panicy». U italjanskim vizavym centry pamior čałaviek
U vizavym centry Italii ŭ sieradu, 11 lutaha, pamior adzin z naviedvalnikaŭ. Infarmacyja pra heta źjaviłasia ŭ adnoj z halinak čata, dzie abmiarkoŭvajuć padaču dakumientaŭ na šenhien, zaŭvažyła «Lusterka».
Bližej da 16.00 u čacie źjaviłasia paviedamleńnie pra toje, što kala italjanskaha vizavaha centra staić chutkaja, a ŭsiaredzinu nikoha nie puskajuć.
«Žančyna-achoŭnica skazała, što nie buduć [puskać]. Pašpart nie zmahła zabrać, ale ja piać chvilin pastajała i pajšła», — apisała situacyju adna z udzielnic čata.
Paźniej na pytańnie, što adbyłosia, druhaja adkazała: «Čałaviek pamior».
Miarkujučy pa paviedamleńniach, kamuści z tych, chto pryjšoŭ u centr, stała kiepska.
«Čakajuć milicyju, da hetaha sprabavali reanimavać, vidać, niaŭdała», — paviedamiła adna sa śviedak zdareńnia.
U 16.37 administratar čata napisaŭ: «Čałaviečaja śmierć mianiaje mnohija płany… Ich moža prosta bolš nie być».
«Ja była tam u momancie. I paviercie, tam taki žach adbyvaŭsia, što rabotnikam naohuł nie da vieryfikacyi było», — napisała adna z karystalnic u adkaz na pytańnie, ci praciahnuć pravodzić vieryfikacyju.
«My adny z apošnich, chto zaraz vyjšli z padačy dakumientaŭ, — kala 17.00 adznačyła jašče adna ŭdzielnica hutarki. — Nas pryniali na vierchnim paviersie. Situacyja niepryjemnaja, ludzi nieciarplivyja, mnohich nie chvaluje čužoje hora.
Nichto ni na kaho nie kryčaŭ, zrazumieła, što supracoŭniki byli ŭ panicy, usie razhublenyja i ŭstryvožanyja. Razumieju, što inšaharodnim niazručna pryjechać zaŭtra, im pajšli nasustrač i vydali pašparty. Spracavali nastolki apieratyŭna, nakolki zmahli. Dziesiać chvilin tamu tolki pryjechała milicyja, źmianić siońnia ŭžo ničoha b jany nie zmahli».
U telehram-kanałach Śledčaha kamiteta i HUUS Minharvykankama aficyjnaj infarmacyi pra incydent pakul niama.
Vialikabrytanija praz dva tydni pierachodzić na ličbavyja vizy. Što źmienicca?
Na francuzski «šenhien» ciapier možna zapisacca samastojna — niekatoryja ŭžo atrymali słoty
U Minsku adkryvajecca vizavy centr Kipra
«Paŭhoda čakańnia, minus $1200 — i nijakaj vizy». Jak biełarusy zaraz adkryvajuć «šenhien»
«Limit pieravyšany». Vizavy centr Italii adnaviŭ zapis pa žyvoj čarzie
Kamientary
Tam takija čerhi zaŭsiody kala ŭvachoda...
[Zredahavana]