Vialikabrytanija praz dva tydni pierachodzić na ličbavyja vizy. Što źmienicca?
Z 25 lutaha Vialikabrytanija ŭvodzić elektronnyja vizy (eVisa). Heta značyć, što ciapier zamiest zvyčajnaj vizavaj naklejki naviedvalniki krainy, u tym liku hramadzianie Biełarusi, buduć atrymlivać ličbavy imihracyjny status, tłumačyć na svajoj staroncy ŭ fejsbuku brytanskaja ambasada ŭ Minsku.
Ambasada Vialikabrytanii ŭ Minsku. Fota: ukvisa.com.ua
Što źmianiajecca:
- ciapier treba budzie pryjści ŭ vizavy centr tolki adzin raz dla paćviardžeńnia asoby. Ankietu možna zapaŭniać anłajn, a zapis na bijamietryju zastajecca;
- pašpart viartajecca ŭ toj ža dzień — naklejku atrymlivać asobna nie treba;
- nieabchodna stvaryć ulikovy zapis na sajcie UKVI, kab mieć dostup da svajho imihracyjnaha statusu anłajn;
- avijakampanii, paromy, kruiznyja apieratary i pamiežnaja słužba buduć aŭtamatyčna praviarać prava na ŭjezd praź ličbavyja sistemy;
- pašpart, ź jakim vy padarožničajecie, pavinien być źviazany z vašym ulikovym zapisam UKVI.
Pieravahi elektronnaj vizy:
- padača dakumientaŭ stanovicca chutčejšaj i praściejšaj;
- dostup da infarmacyi pra vizu ŭ luby čas i ź luboha punkta;
- bolš biaśpiečna — elektronnuju vizu nielha zhubić, skraści ci padrabić.
Hetaja źmiena prezientujecca jak častka šyrejšaha pierachodu Vialikabrytanii na ličbavyja vizy dla ŭsich, chto adpaviadaje patrabavańniam.
Francyja pamianiała praviły vydačy šenhienskich viz dla biełarusaŭ
Na francuzski «šenhien» ciapier možna zapisacca samastojna — niekatoryja ŭžo atrymali słoty
Bieź viz ciapier možna trapić u Łaos
«Chto ŭvohule takija biełarusy». Siamja apłaciła tur na Kaba-Verde, ale nie zmahła atrymać vizy ni ŭ adnym konsulstvie Jeŭropy
Kamientary