Na francuzski «šenhien» ciapier možna zapisacca samastojna — niekatoryja ŭžo atrymali słoty

Ciapier zapis na padaču dakumientaŭ pieradadzieny kampanii TLScontact. Zajaŭnikam treba zarehistravacca na sajcie apieratara i zapoŭnić karotkuju anłajn-ankietu. Paśla źjaŭleńnia svabodnych słotaŭ aŭtamatyčna pryznačajecca data padačy dakumientaŭ u pasolstva, piša Onliner.by.

Taksama ŭvodziacca sproščanyja praviły dla asobnych katehoryj zajaŭnikaŭ i pryjarytetnych hrup — u tym liku dla členaŭ siemjaŭ hramadzian Jeŭrasajuza. Praz TLScontact buduć afarmlacca i turystyčnyja hrupy.

Akramia taho, pa zapycie pasolstva kampanija adkryje śpiecyjalny koł-centr, dzie možna budzie atrymać kansultacyi pa pracedury padačy zajavy i śpisu nieabchodnych dakumientaŭ.

Pry hetym usie vizavyja sumoŭi i pryjom dakumientaŭ pa-raniejšamu buduć prachodzić u pasolstvie Francyi ŭ Minsku.

Što ŭsie hetyja novaŭviadzieńni aznačajuć u realnaści? Vierahodniej za ŭsio, pracedura samastojnaha zapisu na francuzski «šenhien» budzie bolš padobnaja na tuju, što jość ciapier u pasolstvie Italii, jakoje pracuje z tym ža TLScontact. Hruba kažučy, heta zapis u žyvuju čarhu na nieviadomy termin.

Onliner źviazaŭsia z pradstaŭnikami pasolstva Francyi, jakija padzialilisia niekatorymi detalami abnoŭlenaj sistemy padačy na «šenhien»:

— My možam koratka acharaktaryzavać imknieńnie palepšyć absłuhoŭvańnie nastupnym čynam: palapšeńnie dostupu da infarmacyi i praktyčna imhniennaje reahavańnie na zapyty zajaŭnikaŭ na atrymańnie vizy praz źjaŭleńnie śpiecyjalnaha biaspłatnaha kantakt-centra, jaki daje infarmacyju i kansultacyi pra toje, što rabić.

Pry zvarocie ŭ kampaniju TLS z zajaŭnika spahaniajecca płata ŭ pamiery 8 jeŭra. Jany dadajucca da vizavych zboraŭ, jakija spahaniajucca vizavaj słužbaj. Taryfy, raspracavanyja pa pahadnieńni pamiž ES i Biełaruśsiu, zastajucca prefierencyjnymi i niaźmiennymi na praciahu mnohich hadoŭ, niahledziačy na pastajannaje pavieličeńnie vydatkaŭ na apracoŭku zajavak i inflacyju. Jany zastajucca niaźmiennymi na ŭzroŭni 35 jeŭra za karotkaterminovuju vizu.

Adnym z hałoŭnych novaŭviadzieńniaŭ źjaŭlajecca mahčymaść dla zajaŭnikaŭ samastojna padavać zajavu na vizu biez zvarotu ŭ turystyčnaje ahienctva. Pastupova adkryjucca vokny dla sustreč. Pieraaryjentacyja pracoŭnaj nahruzki konsulskich supracoŭnikaŭ dazvolić apracoŭvać bolšuju kolkaść zajavak.

Vizavaja słužba pasolstva Francyi ŭ Minsku za apošnija try hady pavialičyła svaju vizavuju vydaču na 40%.

Pavialičyć

Pieršyja biełarusy, jakim udałosia zapisacca, pakul što atrymali tolki aŭtamatyčnyja listy pra toje, što ich zapyt pastaŭleny ŭ čarhu. Dačakacca jaje, miarkujučy pa ŭsim, nie dla ŭsich było prosta.

— Ja siońnia prajšła try kruhi piekła: mianie kruciła pa ŭsim braŭziery, adkryvalisia niezrazumiełyja ŭkładki z pamyłkaj 403. Dźvie roznyja pošty, 117 źmien parolaŭ, niezrazumiełaja ankieta, jakaja pytałasia, navošta mnie treba ŭ Isłandyju i Manaka, choć ja vyrazna pakazała: Francyja, turyzm. Ale niejak z božaj dapamohaj ja atrymała hety list. I znoŭ čakać. Ja ŭžo straciła lik, adkul ja čakaju hetuju vizu: Italija, Hiermanija, Francyja… — dzielicca bolem u Threads karystalnica kate.lishtone.

Pavialičyć

U kudy bolš vyjhryšnaj situacyi znachodziacca tyja, u kaho jość mahčymaść zrabić zaprašeńnie ad svajaka z Francyi. Čytač Alaksandr takim čynam užo atrymaŭ słot na zapis u sakaviku: u ciapierašnich realijach termin čakańnia padačy ŭsiaho tolki ŭ miesiac ź lišnim — fantastyka.

— Zapaŭniaŭ usio sam, jak i zaŭsiody. Praces nie toje kab vidavočny, ale samastojna ŭsio zrabić nie vyklikaje składanaściaŭ. Choć ja ŭstupiŭ u tematyčny čat — dva dni akazvaŭ dapamohu ludziam paradami, tak što nie varta sudzić pa sabie… Zajaŭku adpraviŭ 2 lutaha kala paŭnočy, list sa słotam atrymaŭ 3‑ha čysła ŭviečary. U hety ž dzień apłaciŭ servisny zbor i na nastupny dzień, 4 lutaha, atrymaŭ paćviardžeńnie apłaty i słota.

Pavialičyć

• 1
• 0
• 0
• 0
• 0
• 1
• 0
• 1