Jon pamior ad insultu va ŭzroście 77 hadoŭ. Den Simans viadomy pa ramanach «Hipieryjon» i «Teror»
Va ŭzroście 77 hadoŭ u Łonhmancie (štat Kałarada) pamior amierykanski piśmieńnik-fantast Den Simans, paviedamlaje Newsweek.
«Moj darahi siabar i nieparaŭnalny piśmieńnik Den Simans pamior u subotu ad insultu va ŭzroście 77 hadoŭ. Jon kidaŭ vyklik litaraturnym normam, daśledujučy histaryčnuju prozu, žachi, kryminał i inšyja žanry», — paviedamiŭ jaho kaleha Devid Moreł.
Piśmieńnik naradziŭsia ŭ štacie Ilinojs 4 krasavika 1948 hoda. Jon skončyŭ kaledž Uobaš u štacie Indyjana. Paśla Simans atrymaŭ tam hanarovuju doktarskuju stupień.
Paśla vučoby Simans staŭ pracavać nastaŭnikam pačatkovaj škoły. Za 18 hadoŭ pracy piedahoham jon staŭ suaŭtaram pieršaj u svaim rodzie prahramy dla adoranych vučniaŭ i byŭ finalistam premii «Nastaŭnik hoda ŭ Kałarada».
Za svajo žyćcio Simans napisaŭ 31 raman i zbornik apaviadańniaŭ. Jaho knihi publikavalisia ŭ 28 krainach i byli pierakładzieny na 20 moŭ.
Jaho pieršy raman «Pieśnia Kali» atrymaŭ Suśvietnuju premiju fentezi 1986 hoda. Simans źjaŭlajecca ŭładalnikam 12 premij «Łokus» — litaraturnaj premii ŭ halinie navukovaj fantastyki i fentezi, prysudžajecca pa vynikach hałasavańnia čytačoŭ adnajmiennaha časopisa.
Jaho najbolš viadomy raman «Hipieryjon» atrymaŭ premiju Chjuha i staŭ pieršym u sazie z čatyroch knih. Jaho vysoka aceńvali krytyki. Jašče adzin raman Simansa — «Teror» — ekranizavaŭ kanał AMS u 2018 hodzie.
U 2014 hodzie piśmieńnik atrymaŭ ciažkuju traŭmu hałavy padčas prahułki i faktyčna spyniŭ svaju litaraturnuju dziejnaść.
Zahinuŭ biełaruski dobraachvotnik Vasil «Dzir» Rapicki11
Kamientary