Prezident ZŠA Donald Tramp, jaki doŭhi čas razdavaŭ paplečnikam čyrvonyja kiepki MAGA, ciapier doryć im skuranyja čaraviki koštam 145 dalaraŭ, jakija nabyvaje za ŭłasny košt.
Jak piša The Wall Street Journal, 79‑hadovy prezident ZŠA, viadomy svajoj luboŭju da darahich harnituraŭ Brioni, raptam zrabiŭsia haračym prychilnikam adnosna biudžetnaha, ale nadziejnaha amierykanskaha abutku i ciapier litaralna nie vypuskaje naviedvalnikaŭ Avalnaj zały biez novaj pary tuflaŭ brenda Florsheim.
Jak adznačaje aŭtar, śpis uładalnikaŭ prezidenckich padarunkaŭ uražvaje: tut i vice-prezident Džej Dzi Vens, i dziaržsakratar Marka Rubia, i ministry Šon Dafi (transpart), Pit Chiehset (abarona), Hovard Łatnik (handal). Nie zastalisia biez abnovak dyrektar pa kamunikacyjach Styvien Čunh, namieśnik kiraŭnika aparata Džejms Błer, śpičrajter Ros Uortynhtan, a taksama miedyjnyja asoby kštałtu Takiera Karłsana i Šona Chenici.
Jak piša WSJ, Tramp lubić adhadvać pamier nahi surazmoŭcy prosta padčas sustrečy. Džej Dzi Vens zhadvaŭ, jak padčas adnoj z razmoŭ prezident pahladzieŭ na jaho nohi i zajaviŭ, što ŭ jaho i Marka Rubia «paršyvy abutak», paśla čaho adrazu dastaŭ katałoh.
Kali vyśvietliłasia, što ŭ Rubia 11,5 pamier (prykładna 45-y), a ŭ Vensa — 13‑y (47-y), Tramp pacikaviŭsia pamieram i ŭ treciaha prysutnaha palityka — toj nazvaŭ 7‑y (40-y). Paśla hetaha prezident pa-fiłasofsku zaŭvažyŭ, što pa pamiery abutku možna šmat čaho skazać pra čałavieka. Praz tydzień u Bieły dom byli dastaŭleny karyčnievyja skrynki z abutkam.
Pavodle słoŭ ludziej, znajomych z novaj tradycyjaj, Tramp časam padpisvaje skrynku albo prykładaje zapisku z udziačnaściu. Aficyjna Bieły dom nie paćvierdziŭ vybar Trampa na karyść Florsheim, adnak adzin z atrymalnikaŭ padarunka raspavioŭ vydańniu, što ŭ kabiniecie prezidenta bačyŭ ceły stos skrynak. Na adnoj ź ich bačyŭ nadpis «Skot» — dla ministra finansaŭ Skota Biesienta.
Supracoŭniki Biełaha doma žartujuć, što «ŭsie chłopcy ŭžo ŭ ich», a mnohija bajacca źjaŭlacca pierad prezidentam u inšym abutku. Adzin ź ministraŭ navat skardziŭsia na nieabchodnaść adpravić na palicu svaje tufli ad Louis Vuitton, kab nie vyklikać lišnich pytańniaŭ u načalnika.
Čym viadomy brend?
Vybar mienavita brenda Florsheim nie vypadkovy. Jak paviedamlaje WSJ, kampanija, zasnavanaja ŭ Čykaha jašče ŭ 1892 hodzie emihrantam Zihmundam Fłoršajmam, maje hłybokija karani ŭ amierykanskaj historyi. Hety abutak nasili sałdaty abiedźviuch suśvietnych vojnaŭ i prezident Hary Trumen, a Majkł Džeksan mienavita ŭ łofierach hetaj marki vykonvaŭ svaju znakamituju «miesiačnuju chadu».
Florsheim — davoli dastupny brend: mnohija madeli kaštujuć kala 145 dalaraŭ. Tramp letaś šukaŭ bolš zručny abutak dla štodzionnaj pracy i ŭ vyniku spyniŭsia mienavita na hetaj marcy. Tufli jamu nastolki spadabalisia, što jon pačaŭ masava daryć ich svaim znajomym. Pavodle Biełaha doma, prezident apłačvaje pakupki sam.
Cikava, što ciapierašni kiraŭnik Weyco Group Tomas Fłoršajm-małodšy navat nie viedaŭ ab maštabnych zakupkach prezidenta.
Pieršym u atačeńni Trampa hety brend pačaŭ nasić Marka Rubia. Jašče ŭ 2016 hodzie, kali palityk bałatavaŭsia ŭ prezidenty i kankuravaŭ z Trampam, žurnalisty źviarnuli ŭvahu na jaho čornyja tufli z davoli vysokim abcasam. Niekatoryja mierkavali, što heta mohuć być Tom Ford koštam kala 1990 dalaraŭ, adnak kamanda Rubia patłumačyła: havorka idzie pra značna bolš dastupnyja Florsheim — prykładna za 135 dalaraŭ.
Tramp, rost jakoha składaje kala 190 sm, tady nie ŭpuściŭ nahody paśmiajacca z apanienta (rost Rubia — kala 178 sm). Jon zajaŭlaŭ, što «być vysokim — heta karysna», a abcasy ŭ Marka, maŭlaŭ, «sapraŭdy zanadta vialikija». Ciapier ža, praz hady, abodva palityki apynulisia ŭ tuflach adnaho i taho ž brenda.
Tradycyja padarunkaŭ ad prezidenta
Prezidenckija padarunki stali raspaŭsiudžanaj źjavaj u Biełym domie jašče ŭ 1880‑ia hady. Ciaham dziesiacihodździaŭ supracoŭnikam na Kalady daryli indyčak. Franklin Ruźvielt razdavaŭ birulki z vyjavaj svajho šatłandskaha terjera Fały, Lindan Džonsan — elektryčnyja zubnyja ščotki z prezidenckaj piačatkaj, a Džordž Buš-małodšy lubiŭ daryć zapinki.
Tramp raniej abmiažoŭvaŭsia kiepkami MAGA, manietami abo firmovymi markierami Sharpie, ale abutak padniaŭ jahonuju ščodraść na novy ŭzrovień.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie11
Kamientary
to bok pra jahony pienis? dyk zvyčajna žančyny hetym cikaviacca)