Staršynia praŭleńnia Nacyjanalnaha banka Biełarusi Raman Hałoŭčanka zajaviŭ, što suśvietnuju finansavuju sistemu čakajuć surjoznyja źmieny. Jon vykazaŭ heta mierkavańnie paśla dakładu Łukašenku pra dziejnaść Nacbanka ŭ kantekście ekanamičnaha raźvićcia krainy, piša BiełTA.
Hałoŭčanka adznačyŭ, što siońnia, maŭlaŭ, va ŭsim śviecie isnujuć prablemy z tradycyjnymi finansami i prachodžańniem płaciažoŭ. U pryvatnaści, usio bolš krain admaŭlajucca ad vykarystańnia amierykanskaha dalara jak mižnarodnaha srodku raźliku. Jon padkreśliŭ, što heta doŭhaterminovyja tendencyi, ź jakimi pryjdziecca žyć i pracavać šmat hadoŭ.
U suviazi z hetym mnohija kiraŭniki krain BRIKS, jak adznačyŭ Hałoŭčanka, abmiarkoŭvajuć stvareńnie ŭłasnaj valuty dla ŭnutranych raźlikaŭ u abjadnańni. Padobnyja idei razhladajuć i inšyja błoki i sajuzy, što śviedčyć pra defrahmientacyju suśvietnaha finansavaha rynku. Hałoŭčanka prahnazuje, što jašče budzie šmat «cikavych padziej» u hetaj śfiery.
Što tyčycca Biełarusi, to kiraŭnik Nacbanka adznačyŭ, što značnaja častka raźlikaŭ u źniešnim handli viadziecca ŭ valutach krain-sajuźnic — biełaruskim i rasijskim rublach, valutach JEAES, kitajskim juani. Jon padkreśliŭ, što partfiel valutnych aktyvaŭ krainy vielmi dyviersifikavany, a finansavaja sistema hatovaja padtrymlivać eksparcioraŭ.
Najbolšym prychilnikam idei stvareńnia ahulnaj valuty BRIKS źjaŭlajecca Rasija, jakaja paśla pačatku poŭnamaštabnaj vajny suprać Ukrainy apynułasia pad mocnymi mižnarodnymi sankcyjami. Prezident Rasii Uładzimir Pucin nieadnarazova stanoŭča vykazvaŭsia pra mahčymaść stvareńnia ahulnaj valuty BRIKS i novaj sistemy mižnarodnych raźlikaŭ, alternatyŭnaj SWIFT, «dziela efiektyŭnaj baraćby z dalaram i lepšaha paźbiahańnia finansavych abmiežavańniaŭ z boku Zachadu».
Na samicie arhanizacyi, jaki adbyŭsia ŭ kancy kastryčnika 2024 hoda ŭ Kazani, Pucin adznačyŭ, što Rasija «vymušanaja šukać alternatyvu dalaru, bo sam Zachad abmiažoŭvaje jaho vykarystańnie dla Maskvy». Na hetym samicie taksama było pradstaŭleny navat pratatyp banknoty dla hetaj valuty, jaki, praŭda, vonkava vyhladaŭ jak vielmi «syry».
Indyja i Paŭdniova-Afrykanskaja respublika adchryścilisia ad prajekta stvareńnia valuty BRIKS
«Mohuć pajści i znajści inšaha łocha!» Tramp pieraściaroh BRIKS ad sprobaŭ uvieści ŭłasnuju valutu
Paśla artykuła «Našaj Nivy» stvaralniki banknoty BRIKS razmyli jaje vyjavu. Ale pamyłki ŭsio roŭna bačnyja
Pucinu ekskluziŭna pakazali pratatyp valuty BRIKS, «jakaja abrynie dalar». My adšukali aryhinał banknoty, jość dziŭnaści sa ściaham Biełarusi
Kamientary