Rasśledavańnie kryminalnaj spravy ab zabojstvie kasira «Absalutbanka» zaciahvajecca
Pra heta paviedamiŭ žurnalistam 26 maja ŭ Minsku hienieralny prakuror Ryhor Vasilevič.
«Ja prakuraturu Minska aryjentuju, kab usio było daskanała vyvučana. U tym liku i vina słužbovych asob, jakija nie stvaryli biaśpiečnych umoŭ pracy kasiru», — skazaŭ jon.
Pavodle słoŭ Vasileviča, u abmiennym punkcie, dzie pracavała kasir, «byli stvorany idealnyja ŭmovy dla padrychtoŭki i ŭčynieńnia złačynstva». U pryvatnaści, złačynca moh lohka schavacca, kab jaho nie ŭbačyŭ u dźviarnoje vočka kasir.
«Ja nie liču, što da słužbovych asob treba prymianiać drakonaŭskija miery. Ale adkaznaść u vyhladzie štrafu, inšych mier pakarańnia pavinna być», — skazaŭ Vasilevič.
Dvaccaciadnahadovy ekśpiert pa bankaŭskich apieracyjach Taćciana Piatrova była zabita padčas rabavańnia abmiennaha punkta ŭ Minsku 10 śniežnia minułaha hoda.
Ciapier čytajuć
Dzie była źnikłaja Jana ŭ svoj apošni dzień i dzie jaje znajšli KARTA2
Kamientary