U Viciebsku 17‑hadovaja dziaŭčyna biła tvaram ab stoł i złamała nos svajoj siabroŭcy
Pryčyny — u chłopcu.
U Viciebsku 17‑hadovaja dziaŭčyna ŭčyniła samasud nad siabroŭkaj, a zatym uklučyła videazapis sa słovami: «Tabie 10 siekund, kab syści», pišuć vitvesti.by.
Navučenka adnaho z kaledžaŭ paŭnočnaj stalicy niepraciahły čas sustrakałasia ź Cimuram. Pra ciažkaści ŭ adnosinach ź im jana pieryjadyčna raspaviadała dźvium siabroŭkam. Tyja zhadžalisia, što chłopiec pavodzić siabie niapravilna, i adhukalisia pra jaho niehatyŭna. Nieŭzabavie adnosiny spynilisia, pra što dziaŭčyna škadavała. I vyrašyła pamirycca.
Kali jana pryjechała, u haściach u chłopca byli tyja samyja siabroŭki. Dziaŭčaty paprasili chłopca nie pryvodzić u kvateru siabroŭku. Jon paabiacaŭ. Ale słova svajo nie strymaŭ.
Chłopiec paprasiŭ svaju byłuju dziaŭčynu nie iści da jaho, dadaŭšy, što tam jaje mohuć źbić. Heta razzłavała dziaŭčynu. Jana nastajała, kab zajści.
Jak paśla tłumačyła abvinavačanaja, jaje razzłavała, što ludzi, jakija palivali brudam chłopca, ciapier u jaho ŭ haściach. Jaje taksama raźjušyła, što jaje chtości moža pabić.
— Uvarvaŭšysia ŭ kvateru, abvinavačanaja pačała źbivać adnu sa svaich byłych siabrovak. Naniesła joj kala 10 udaraŭ rukami pa hałavie. Zatym, utrymlivajučy za vałasy, piać razoŭ udaryła jaje hałavoj ab stoł. Potym uklučyła videakamieru na svaim telefonie i skazała: «Tabie 10 siekund, kab syści» i pačała zvarotny adlik času.
Były małady čałaviek i jaho siabar, jakija znachodzilisia pobač, nijak nie pasprabavali praduchilić napadu i spynić ahresiju.
Paciarpiełaja dziaŭčyna atrymała zakryty pierałom nosa, krovapadciok i traŭmu ŭ vobłaści levaha voka.
Dziaŭčynu sud aštrafavaŭ na 40 bazavych vieličyń (1800 rubloŭ), a taksama zadavoliŭ patrabavańni paciarpiełaj, spahnaŭšy kampiensacyju maralnaj škody na sumu 8 000 rubloŭ.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary
Pryčyna ŭ duraści hetaj dziaŭčyny.
"Były małady čałaviek i jaho siabar, jakija znachodzilisia pobač, nijak nie pasprabavali praduchilić napadu i spynić ahresiju."©
A kali b umiašalisia b, i sprabavali by spynić durnicu, užo b ich sudzili za hvałt nad hetaj durnicaj.(