Sud u Maskvie pryhavaryŭ da pažyćciovaha terarystaŭ, jakija napali na «Krokus»
Usiaho pa spravie ab terakcie prachodziła 19 abvinavačanych, tady zahinuli 149 čałaviek.
Druhi Zachodni akruhovy vajskovy sud pryhavaryŭ da pažyćciovaha Dalerdžona Mirzojeva, Saidakrami Račabalizade, Šamsidyna Faryduni i Muchamadsabira Fajzojeva, piša Mash.
Akramia vykanaŭcaŭ, da pažyćciovaha źniavoleńnia pryhavaryli 11 pamahatych terarystaŭ u «Krokusie»: Umiedžona Salijeva, Mustakima Salijeva, Šachrvmdžona Hadajeva, Zubajdułu Ismaiłava, Chusiejna Chamidava, Muchamada Šarypzade, Jakubdžona Jusufzoda, Nazrymadu Łutfułojeva, Džumachona Kurbanava, Chusiena Miedava, Džabraiła Aušava
Israił, Dyłavar i Amindžon Isłamavy, jakija pradastavili terarystam aŭtamabil i kvateru, atrymali pa 19 hadoŭ 11 miesiacaŭ turmy. Ališer Kasimaŭ, jaki pradaŭ vykanaŭcam bieły «Reno Łohan», atrymaŭ 22 hady 10 miesiacaŭ.
Napad na «Krokus Sici Choł» pad Maskvoj adbyŭsia 22 sakavika 2024 hoda. Uzbrojenyja napadniki ŭvarvalisia ŭ zału pierad kancertam hurta «Piknik», adkryli ahoń pa ludziach i padpalili budynak. U vyniku zahinuli 149 čałaviek (čatyry ź ich terarysty), jašče adzin ličycca źnikłym bieź viestak, a bolš za 600 atrymali ranieńni.
Śledstva ŭstanaviła, što napad arhanizavali členy zabaronienaj u Rasii terarystyčnaj hrupoŭki «Viłajat Charasan» razam z saŭdzielnikami. Častka ź ich prajšła padrychtoŭku za miažoj, inšyja znachodzilisia na terytoryi Rasii i zajmalisia pošukam zbroi, jaje pierarobkaj i dastaŭkaj. Častku ŭzbrajeńnia pryvieźli spačatku ŭ dahiestanski Kaśpijsk, a pierad napadam — u Maskvu.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Paščaściła im, u nas by im była śmiarotnaja kara.